विश्वास-प्रस्तुतिः
प्र॒जाप॑तिरकामयत “म॒हान॑न्ना॒दस्स्या॒"मिति॑ ।
मूलम्
प्र॒जाप॑तिरकामयत “म॒हान॑न्ना॒दस्स्या॒"मिति॑ ।
भट्टभास्कर-टीका
1प्रजापतिरकामयतेत्यादि ॥ अन्नादनसामर्थ्यविषयं महत्त्वम् । यद्वा ऐश्वर्येण महान् अन्नादनसमर्थश्च स्यामिति ।
विश्वास-प्रस्तुतिः
स ए॒ताव॑श्वमे॒धे म॑हि॒माना॑वपश्यत् ।
मूलम्
स ए॒ताव॑श्वमे॒धे म॑हि॒माना॑वपश्यत् ।
भट्टभास्कर-टीका
महिमानौ महिमाख्यौ ग्रहावपश्यत् ।
विश्वास-प्रस्तुतिः
ताव॑गृह्णीत ।
मूलम्
ताव॑गृह्णीत ।
भट्टभास्कर-टीका
अगृह्णीत च । ‘यः प्राणतः, य आत्मदाः’ इति पूर्वोत्तरौ महिमानौ ।
विश्वास-प्रस्तुतिः
ततो॒ वै स म॒हान॑न्ना॒दो॑ऽभवत् ।
मूलम्
ततो॒ वै स म॒हान॑न्ना॒दो॑ऽभवत् ।
मूलम्
यᳵ का॒मये॑त म॒हान॑न्ना॒दस्स्या॒मिति॑ ।
स ए॒ताव॑श्वमे॒धे म॑हि॒मानौ॑ गृह्णीत ।
विश्वास-प्रस्तुतिः
यᳵ का॒मये॑त म॒हान॑न्ना॒दस्स्या॒मिति॒ स ए॒ताव॑श्वमे॒धे म॑हि॒मानौ॑ गृह्णीत ।
म॒हाने॒वान्ना॒दो भ॑वति ।
मूलम्
यᳵ का॒मये॑त म॒हान॑न्ना॒दस्स्या॒मिति॒ स ए॒ताव॑श्वमे॒धे म॑हि॒मानौ॑ गृह्णीत ।
म॒हाने॒वान्ना॒दो भ॑वति ।
भट्टभास्कर-टीका
गतमन्यत् ॥
विश्वास-प्रस्तुतिः
य॒ज॒मा॒न॒दे॒व॒त्या॑ वै व॒पा ।
राजा॑ महि॒मा ।
मूलम्
य॒ज॒मा॒न॒दे॒व॒त्या॑ वै व॒पा ।
राजा॑ महि॒मा ।
मूलम्
यद्व॒पाम्म॑हि॒म्नोभ॒यत॑ᳶ परि॒यज॑ति ।
यज॑मानमे॒व रा॒ज्येनो॑भ॒यत॒ᳶ परि॑गृह्णाति ।
विश्वास-प्रस्तुतिः
यद्व॒पाम्म॑हि॒म्नोभ॒यत॑ᳶ परि॒यज॑ति॒ यज॑मानमे॒व रा॒ज्येनो॑भ॒यत॒ᳶ परि॑गृह्णाति ।
मूलम्
यद्व॒पाम्म॑हि॒म्नोभ॒यत॑ᳶ परि॒यज॑ति॒ यज॑मानमे॒व रा॒ज्येनो॑भ॒यत॒ᳶ परि॑गृह्णाति ।
भट्टभास्कर-टीका
2यजमानदेवत्येति ॥ उभयोः प्राधान्याद्देवतैश्वर्यमुपचर्य देवतोक्ता । ‘देवतान्तात्तादर्थ्ये यत्’ राजा दीप्तिमान् तत्स्थानो महिमाख्यो होमः हूयमानाया एव वपाया दीप्तिस्थानीयत्वात् तत्र महिम्ना पूर्वेणोत्तरेण च उभयतः आदावन्ते वपायाः परियजनात् यजमानमेव राज्येन राज्यैश्वर्येण उभयतः अग्रतः पृष्ठतश्च इह चामुत्र च वा परिगृह्णाति ॥
विश्वास-प्रस्तुतिः
पु॒रस्ता॑त्स्वाहाकारा॒ वा अ॒न्ये दे॒वाः ।
उ॒परि॑ष्टात्स्वाहाकारा अ॒न्ये ।
मूलम्
पु॒रस्ता॑त्स्वाहाकारा॒ वा अ॒न्ये दे॒वाः ।
उ॒परि॑ष्टात्स्वाहाकारा अ॒न्ये ।
भट्टभास्कर-टीका
3पुरस्तात्स्वाहाकारा इत्यादि ॥ ते उभये द्विप्रकारा देवाः मेध्ये अस्मिन् अश्वे ।
विश्वास-प्रस्तुतिः
ते वा ए॒तेऽश्व॑ ए॒व मेध्य॑ उ॒भयेऽव॑रुध्यन्ते ।
मूलम्
ते वा ए॒तेऽश्व॑ ए॒व मेध्य॑ उ॒भयेऽव॑रुध्यन्ते ।
भट्टभास्कर-टीका
ते वा एत इति । अश्वस्य विश्वदेवत्वात् परिवप्ययोर्वेयं स्तुतिः ।
मूलम्
यद्व॒पाम्म॑हि॒म्नोभ॒यत॑ᳶ परि॒यज॑ति ।
ताने॒वोभया॑न्प्रीणाति ॥41॥
विश्वास-प्रस्तुतिः
यद्व॒पाम्म॑हि॒म्नोभ॒यत॑ᳶ परि॒यज॑ति॒ ताने॒वोभया॑न्प्रीणाति ॥
मूलम्
यद्व॒पाम्म॑हि॒म्नोभ॒यत॑ᳶ परि॒यज॑ति॒ ताने॒वोभया॑न्प्रीणाति ॥
भट्टभास्कर-टीका
ताभ्यां अवरुद्धान् महिमभ्यां प्रीणयतीति ॥
इति तृतीये नवमे दशमोऽनुवाकः ॥