१३ पत्नीसंयाजे सोमाह्वानम्

इष्टिहौत्रम्॥

उ᳓पहूतँ रथन्तरँ᳓ सह᳓ पृथिव्या᳓ ।
उ᳓प मा रथन्तरँ᳓ सह᳓ पृथिव्या᳓ ह्वयताम् ।

उप॑हूतँ रथन्त॒रँ स॒ह पृ॑थि॒व्या ।
उप॑ मा रथन्त॒रँ स॒ह पृ॑थि॒व्या ह्व॑यताम् ।

1अथेडोपाह्वानम् - उपहूतं रथन्तरमित्यादि ॥ रथन्तरादीनां साम्नां प्राथम्यादिना पृथिव्यादिभिः उपहूतवम् । यद्वा - रममाणानां तरं तारकं रथंतरं अन्नं तत्पृथिव्या सह उपहूतमित्यर्थः । शिष्टं स्पष्टम् ॥

उ᳓पहूतव्ँ वामदेव्यँ᳓ सहा᳓न्त᳓रिक्षेण ।
उ᳓प मा वामदेव्यँ᳓ सहा᳓न्त᳓रिक्षेण ह्वयताम् ।

उप॑हूतव्ँ वामदे॒व्यँ स॒हान्तरि॑क्षेण ।
उप॑ मा वामदे॒व्यँ स॒हान्तरि॑क्षेण ह्वयताम् ।

उ᳓पहूतम् बृह᳓त् सह᳓ दिवा᳓ ।
उ᳓प मा बृह᳓त् सह᳓ दिवा᳓ ह्वयताम् ।

उप॑हूतम्बृ॒हत्स॒ह दि॒वा ।
उप॑ मा बृ॒हत्स॒ह दि॒वा ह्व॑यताम् ।

उ᳓पहूतास् सप्त᳓ हो᳓त्राः ।
उ᳓प मा सप्त᳓ हो᳓त्रा ह्वयन्ताम् ।

उप॑हूतास्स॒प्त होत्राः॑ ।
उप॑ मा स॒प्त होत्रा॑ ह्वयन्ताम् ।

उ᳓पहूता धेनु᳓स् सह᳓र्षभा ।
उ᳓प मा धेनु᳓स् सह᳓र्षभा ह्वयताम् ॥16॥

उप॑हूता धे॒नुस्स॒हर्ष॑भा ।
उप॑ मा धे॒नुस्स॒हर्ष॑भा ह्वयताम् ॥16॥

उ᳓पहूतो भक्ष᳓स् स᳓खा ।
उ᳓प मा भक्ष᳓स् स᳓खा ह्वयताम् ।

उप॑हूतो भ॒क्षस्सखा॑ ।
उप॑ मा भ॒क्षस्सखा॑ ह्वयताम् ।

उ᳓पहूताँ᳓ (4) हो᳓ ।

उप॑हू॒ताँ (4) हो ।

इ᳓डो᳓पहूता ।
उ᳓पहूते᳓डा ।
उ᳓पो अस्माँ᳓ इ᳓डा ह्वयताम् ।

इडोप॑हूता ।
उप॑हू॒तेडा॑ ।
उपो॑ अ॒स्माँ इडा॑ ह्वयताम् ।

इ᳓डो᳓पहूता ।
उ᳓पहूते᳓डा ।
मानवी᳓ घृत᳓पदी मैत्रावरुणी᳓ ।

इडोप॑हूता ।
उप॑हू॒तेडा॑ ।
मा॒न॒वी घृ॒तप॑दी मैत्रावरु॒णी ।

ब्र᳓ह्म देव᳓-कृतम् उ᳓पहूतम् ॥17॥

ब्रह्म॑ दे॒वकृ॑त॒मुप॑हूतम् ॥17॥

उ᳓पहूते द्या᳓वापृथिवी᳓ ।
पूर्वजे᳓ ऋता᳓वरी ।
देवी᳓ देव᳓पुत्रे ।

उप॑हूते॒ द्यावा॑पृथि॒वी ।
पू॒र्व॒जे ऋ॒ताव॑री ।
दे॒वी दे॒वपु॑त्रे ।