विश्वास-प्रस्तुतिः
बी॒भ॒त्सायै॑ पौल्क॒सम् ।
मूलम्
बी॒भ॒त्सायै॑ पौल्क॒सम् ।
भट्टभास्कर-टीका
1बीभत्सायै पौल्कसं अतिनिकृष्टां जातिम् ।
विश्वास-प्रस्तुतिः
भूत्यै॑ जागर॒णम् ।
मूलम्
भूत्यै॑ जागर॒णम् ।
भट्टभास्कर-टीका
भूत्यै अभिवृध्यै जागरणं प्रबोधशीलं अवहितम् ।
विश्वास-प्रस्तुतिः
अभू॑त्यै स्वप॒नम् ।
मूलम्
अभू॑त्यै स्वप॒नम् ।
भट्टभास्कर-टीका
अभूत्यै स्वपनं प्रमादभूयिष्ठम् ।
विश्वास-प्रस्तुतिः
तु॒लायै॑ वाणि॒जम् ।
मूलम्
तु॒लायै॑ वाणि॒जम् ।
भट्टभास्कर-टीका
तुलायै परिच्छेदविशेषाय वाणिजं तुलासूत्रजीविनम् । वणिगेव वाणिजः स्वार्थिकोऽण् ।
विश्वास-प्रस्तुतिः
वर्णा॑य हिरण्यका॒रम् ।
मूलम्
वर्णा॑य हिरण्यका॒रम् ।
भट्टभास्कर-टीका
वर्णाय हिरण्यकारम् । गतम् ।
विश्वास-प्रस्तुतिः
विश्वे॑भ्यो दे॒वेभ्य॑स्सिध्म॒लम् ।
मूलम्
विश्वे॑भ्यो दे॒वेभ्य॑स्सिध्म॒लम् ।
भट्टभास्कर-टीका
विश्वेभ्यो देवेभ्यः सिध्यलं कुष्ठरोगिणम्, तत्कोपजन्यत्वात्तस्य । ‘सिध्मादिम्यश्च’ इति लच् ।
विश्वास-प्रस्तुतिः
प॒श्चा॒द्दो॒षाय॑ ग्ला॒वम् ।
मूलम्
प॒श्चा॒द्दो॒षाय॑ ग्ला॒वम् ।
भट्टभास्कर-टीका
पश्चाद्दोषाय कुष्ठव्यतिरिक्ताय देहदोषाय ग्लावं नित्यकृशवपुषं, तज्जन्यत्वात्कार्श्यस्य । ग्लायतेः क्विबन्तात् मत्वर्थीयो वकारः ।
विश्वास-प्रस्तुतिः
ऋत्यै॑ जनवा॒दिन॑म् ।
मूलम्
ऋत्यै॑ जनवा॒दिन॑म् ।
भट्टभास्कर-टीका
ऋत्यै अरुणाय आर्तत्वाय जनवादिनं जनानां परिवदनशीलम् ।
विश्वास-प्रस्तुतिः
व्यृ॑द्ध्या अपग॒ल्भम् ।
मूलम्
व्यृ॑द्ध्या अपग॒ल्भम् ।
भट्टभास्कर-टीका
व्यृवधै ऋद्ध्यभावाय अपगल्भं अपगतधार्ष्ट्यं लज्जामूकम् ।
विश्वास-प्रस्तुतिः
सँ॒श॒राय॑ प्र॒च्छिद॑म् ॥14॥
मूलम्
सँ॒श॒राय॑ प्र॒च्छिद॑म् ॥14॥
भट्टभास्कर-टीका
संशराय संकीर्णत्वाय प्रध्वंसाय प्रच्छिदं प्रकर्षेण भेत्तारं शल्यानामुद्धर्तारम् ॥
इति तृतीये चतुर्थे चतुर्दशोऽनुवाकः ॥