विश्वास-प्रस्तुतिः
सरो॑भ्यो धैव॒रम् ।
मूलम्
सरो॑भ्यो धैव॒रम् ।
भट्टभास्कर-टीका
1सरोभ्यो धैवरं उभयतो जलं बध्वा तितउना मत्स्यग्राहिणम् ।
विश्वास-प्रस्तुतिः
वेश॑न्ताभ्यो॒ दाश॑म् ।
मूलम्
वेश॑न्ताभ्यो॒ दाश॑म् ।
भट्टभास्कर-टीका
वेशन्ताभ्यः अत्यल्पाद्भ्यः दाशं बळिशेन मत्स्यग्राहिणम् । नावाऽन्तः प्रविश्य मत्स्यग्राहिणमेके ।
विश्वास-प्रस्तुतिः
उ॒प॒स्थाव॑रीभ्यो॒ बैन्द॑म् ।
मूलम्
उ॒प॒स्थाव॑रीभ्यो॒ बैन्द॑म् ।
भट्टभास्कर-टीका
उपस्थावरीभ्यः तरुतीरादिपार्श्वोपस्थावरीभ्योऽद्भ्यः बैन्दं बिन्दं जालं तेन जीवतीति छान्दसोऽञ् । उडुबबिदले तरन् यो मत्स्यं गृह्णातीत्यन्ये ।
विश्वास-प्रस्तुतिः
न॒ड्व॒लाभ्य॑श्शौष्क॒लम् ।
मूलम्
न॒ड्व॒लाभ्य॑श्शौष्क॒लम् ।
भट्टभास्कर-टीका
नड्वलाभ्यः नळसंयुतजलस्थिताभ्योऽद्भ्यः शौष्कलं बळिशजीवनं, महामत्स्यानुत्थाप्य ग्रहीतारमेके ।
विश्वास-प्रस्तुतिः
पा॒र्या॑य कैव॒र्तम् ।
मूलम्
पा॒र्या॑य कैव॒र्तम् ।
भट्टभास्कर-टीका
पार्याय परतीरप्रभवाय जलाय कैवर्तं कूले मत्स्यानां पुञ्जीकृत्य हन्तारम् ।
विश्वास-प्रस्तुतिः
अ॒वा॒र्या॑य मार्गा॒रम् ।
मूलम्
अ॒वा॒र्या॑य मार्गा॒रम् ।
भट्टभास्कर-टीका
अवार्याय अपरतीरप्रभवाय मार्गारं अन्तर्जले हस्ताभ्यां मत्स्यमार्गणशीलम् ।
विश्वास-प्रस्तुतिः
ती॒र्थेभ्य॑ आ॒न्दम् ।
मूलम्
ती॒र्थेभ्य॑ आ॒न्दम् ।
भट्टभास्कर-टीका
तीर्थेभ्यः अवतारेभ्यः आन्दं तीर्थे सामिषयन्त्रबन्धनेन मत्स्यग्राहिणम् । सेतुबन्धनेनेत्येके । अदि बन्धने, अन्देन जीवतीति आन्दः ।
विश्वास-प्रस्तुतिः
विष॑मेभ्यो मैना॒लम् ।
मूलम्
विष॑मेभ्यो मैना॒लम् ।
भट्टभास्कर-टीका
विषमेभ्यः अतीर्थभूतेभ्यः जलपर्यन्तेभ्यः मैनालं जालजीविनम् । महानद्यां यन्त्रजीविनमेके ।
विश्वास-प्रस्तुतिः
स्वने॑भ्य॒ᳶ पर्ण॑कम् ।
मूलम्
स्वने॑भ्य॒ᳶ पर्ण॑कम् ।
भट्टभास्कर-टीका
स्वनेभ्यः सशब्दाभ्योऽद्भ्यः पर्णकं सविषं पर्णं जलस्योपरि स्थापयित्वा मत्स्यग्राहिणम् । स हि हस्तताडनसमुद्भूतशब्दसन्त्रासोत्थितान् गृह्णाति ।
विश्वास-प्रस्तुतिः
गुहा॑भ्य॒ᳵ किरा॑तम् ।
मूलम्
गुहा॑भ्य॒ᳵ किरा॑तम् ।
भट्टभास्कर-टीका
गुहाभ्यः गह्वरेभ्यः किरातं पर्वतगुहावासिनम् ।
विश्वास-प्रस्तुतिः
सानु॑भ्यो॒ जम्भ॑कम् ।
मूलम्
सानु॑भ्यो॒ जम्भ॑कम् ।
भट्टभास्कर-टीका
सानुभ्यः पर्वतशिखरेभ्यः जम्भकं सानुचरम् । गात्राणां जृम्भयितारमेके । पर्वतेभ्यः किंपूरुषं गायकं पर्वतवासिनम् ॥
इति तृतीये चतुर्थे द्वादशोऽनुवाकः ॥