विश्वास-प्रस्तुतिः
अर्मे॑भ्यो+++(=गतिविशेषाय)+++ हस्ति॒पम् ।
मूलम्
अर्मे॑भ्यो हस्ति॒पम् ।
भट्टभास्कर-टीका
1अर्मेभ्यः गतिविशेषेभ्यः हस्तिपं गजारोहिणम् ।
विश्वास-प्रस्तुतिः
ज॒वाया॑श्व॒पम् ।
मूलम्
ज॒वाया॑श्व॒पम् ।
भट्टभास्कर-टीका
जवाय वेगाय अश्वपं अश्वानां पातारम् ।
विश्वास-प्रस्तुतिः
पुष्ट्यै॑ गोपा॒लम् ।
मूलम्
पुष्ट्यै॑ गोपा॒लम् ।
भट्टभास्कर-टीका
पुष्ट्यै गोपालं गवां पालयितारं, गावो हि पुष्टिहेतवः ।
विश्वास-प्रस्तुतिः
तेज॑सेऽजपा॒लम् ।
मूलम्
तेज॑सेऽजपा॒लम् ।
भट्टभास्कर-टीका
तेजसे अजपालं अजानां पालयितारं, अजा हि तेजस्विनः हविष्ट्वात् ।
विश्वास-प्रस्तुतिः
वी॒र्या॑याविपा॒लम् ।
मूलम्
वी॒र्या॑याविपा॒लम् ।
भट्टभास्कर-टीका
वीर्याय अविपालं अवीनां पालयितारं वीर्यजत्वादवीनां ‘वीर्याद्ध्यसृज्यन्त’ इति ।
विश्वास-प्रस्तुतिः
इरा॑यै+++(=अन्नाय)+++ की॒नाश॑म्+++(=कर्षकम्)+++ ।
मूलम्
इरा॑यै की॒नाश॑म् ।
भट्टभास्कर-टीका
इरायै अन्नाय कीनाशं कर्षकं, सदा स्वीकारिणमित्यन्ये ।
विश्वास-प्रस्तुतिः
की॒लाला॑य+++(=जलाय)+++ सुराका॒रम् ।
मूलम्
की॒लाला॑य सुराका॒रम् ।
भट्टभास्कर-टीका
कीलालाय पुराणाय वारिणे सुराकारं सुराया उत्पादयितारम् ।
विश्वास-प्रस्तुतिः
भ॒द्राय॑ गृह॒पम् ।
मूलम्
भ॒द्राय॑ गृह॒पम् ।
भट्टभास्कर-टीका
भद्राय कल्याणाय गृहपं गृहाणां पालयितारं दौवारिकम् ।
विश्वास-प्रस्तुतिः
श्रेय॑से वित्त॒धम् ।
मूलम्
श्रेय॑से वित्त॒धम् ।
भट्टभास्कर-टीका
श्रेयसे अभ्युदयाय वित्तधं राज्ञो धनस्य पालकम् ।
विश्वास-प्रस्तुतिः
अध्य॑क्षायानुक्ष॒त्तार॑म्+++(=सारथेर् अनुसारिणम्)+++ ॥ 9 ॥
मूलम्
अध्य॑क्षायानुक्ष॒त्तार॑म् ॥9॥
भट्टभास्कर-टीका
अध्यक्षाय प्रत्यक्षकरणाय अनुक्षत्तारं क्षत्तुरनन्तरं आयव्ययप्रत्यवेक्षिणं राज्ञः ॥
इति तृतीये चतुर्थे नवमोऽनुवाकः ॥