विश्वास-प्रस्तुतिः
ऋत्यै॑ +++(=चौर्यात्परं चोरगतिः, तस्यै)+++ स्ते॒नहृ॑दयम् ।
मूलम्
ऋत्यै॑ स्ते॒नहृ॑दयम् ।
भट्टभास्कर-टीका
1ऋत्यै ईत्यै ऋतीयतेः ‘इन्सर्वधातुभ्यः’ इतीन्प्रत्ययः । स्तेनहृदयं स्तेयप्रधानहृदयम् ।
विश्वास-प्रस्तुतिः
वैर॑-हत्याय॒ पिशु॑नम् ।
मूलम्
वैर॑हत्याय॒ पिशु॑नम् ।
भट्टभास्कर-टीका
वैरहत्याय वीरहत्यायुक्तो वीरहा तद्भावाय पिशुनं गोपनीयानां प्रकाशयितारम् ।
विश्वास-प्रस्तुतिः
विवि॑त्त्यै+++(=विशिष्ट-लाभ-देव्यै)+++ क्ष॒त्तार॑म्+++(=सारथिम्)+++ ।
मूलम्
विवि॑त्त्यै क्ष॒त्तार॑म् ।
भट्टभास्कर-टीका
विवित्यै विवेकाय क्षत्तारं राजस्थानीयमन्त्रिमुख्यम् ।
विश्वास-प्रस्तुतिः
औप॑द्रष्टाय +++(=प्रत्यवेक्षितायै)+++ सङ्ग्रही॒तार॑म् ।
मूलम्
औप॑द्रष्टाय सङ्ग्रही॒तार॑म् ।
भट्टभास्कर-टीका
औपद्रष्टाय उपद्रष्टा प्रत्यवेक्षिता तद्भावाय । अन्त्यलोपश्छादसः । उद्गात्रादिर्द्वष्टव्यः । सङ्ग्रहीतारं भाण्डागाराध्यक्षं करसंङ्ग्रहकारिणं वा ।
विश्वास-प्रस्तुतिः
बला॑यानुच॒रम् ।
मूलम्
बला॑यानुच॒रम् ।
भट्टभास्कर-टीका
बलाय अनुचरं सेवकम् ।
विश्वास-प्रस्तुतिः
भू॒म्ने प॑रिष्क॒न्दम् +++(=परिचारकम्)+++ ।
मूलम्
भू॒म्ने प॑रिष्क॒न्दम् ।
भट्टभास्कर-टीका
भूम्ने महत्त्वाय परिष्कन्दं, परिचारकम् । वीणावादिनमित्येके ।
विश्वास-प्रस्तुतिः
प्रि॒याय॑ प्रियवा॒दिन॑म् ।
मूलम्
प्रि॒याय॑ प्रियवा॒दिन॑म् ।
भट्टभास्कर-टीका
प्रियाय प्रियवादिनम् । गतम् ।
विश्वास-प्रस्तुतिः
अरि॑ष्ट्या+++(=अहिंसाभिमानिन्यै)+++ अश्वसा॒दम्+++(=अश्वरोहिणम्)+++ ।
मूलम्
अरि॑ष्ट्या अश्वसा॒दम् ।
भट्टभास्कर-टीका
अरिष्ट्यै अहिंसायै अश्वसादं अश्वारोहिणम् ।
विश्वास-प्रस्तुतिः
मेधा॑य+++(=यज्ञाय)+++ वासᳶ-पल्पू॒लीम्+++(=शोधयित्रीम्)+++ ।
मूलम्
मेधा॑य वासᳶपल्पू॒लीम् ।
भट्टभास्कर-टीका
मेधाय यज्ञाय शोधनाय वासःपल्पूलीं वाससः शोधयित्रीं रजकस्त्रियम् ।
विश्वास-प्रस्तुतिः
प्र॒का॒माय॑ +++(वस्त्र-)+++रजयि॒त्रीम् ॥ 7 ॥
मूलम्
प्र॒का॒माय॑ रजयि॒त्रीम् ॥7॥
भट्टभास्कर-टीका
प्रकामाय पकृष्टाय कामाय रजयित्रीं रञ्जयित्रीं वाससाम् । चित्रकारिणीमित्येके । छन्दसोऽनुनासिकलोपः ॥
इति तृतीये चतुर्थे सप्तमोऽनुवाकः ॥