अथ चतुश्चत्वारिंशोऽनुवाकः।
उत्तरवत्क्रप्रतिपादकं मन्त्रमाह— वा॒म॒दे॒वाय॒ नमो॑ ज्ये॒ष्ठाय॒ नमः॑ श्रे॒ष्ठाय॒ नमो॑ रु॒द्राय॒ नमः॒ काला॑य॒
१ झ. जुषन्ताम्। २ ख. झ. वै नमो न। ३ झ. भवस्व। ४ झ. भवस्व। ५ झ. भवस्व। ९५
[[754]]
श्रीमत्सायणाचार्यविरचितभाष्यसमेतम् — [ प्रपा॰ १० अनु॰ ४५–४६] नमः॒ कल॑विकरणाय॒ नमो॒ बल॑विकरणाय॒ नमो॒ बल॑प्रमथनाय॒ नमः सर्व॑भूतदमनाय॒ नमो॑ म॒नोन्म॑नाय॒ नमः॑, इति॥ इति कृष्णयजुर्वेदीयतैत्तिरीयारण्यके दशमप्रपाठके नारायणोपनिषदि चतुश्चत्वारिंशोऽनुवाकः॥ ४४॥
उत्तरवत्क्ररूपो वामदेवस्तस्यैव विग्रहविशेषा ज्येष्ठादिनामतकाः। एते च महादेपीठशक्तीनां वामादीनां नवानां पतयः पुरुषाः। तेभ्यो नवभ्यो नमस्कारोऽस्तु॥
इति श्रीमत्सयणाचार्यविरचिते माधवीये वेदार्थप्रकाशे कृष्णयजुर्वेदीयतै- त्तिरीयारण्यकभाष्ये दशमप्रपाठके नारायणीयापरनामधेययुक्तायां याज्ञिक्यामुपनिषदि चतुश्चत्वारिंशोऽनुवाकः॥ ४४॥