६६

पृथिव्यापस्तेजो वायुराकाश मे॑ शुध्य॒न्तां॒ ज्योति- र॒हं वि॒रजा॑ विपा॒प्मा भू॑यास॒ ँ स्वाहा॑।

पृथिव्यापस्तेजो वायुराकाश मे॑ शुध्य॒न्तां॒ ज्योति- र॒हं वि॒रजा॑ विपा॒प्मा भू॑यास॒ ँ स्वाहा॑।

टीकाः अन्यत्र ।

शब्दस्पर्शरूपरसगन्धा मे॑ शुध्य॒न्तां॒ ज्योति॑- र॒हं वि॒रजां विपा॒प्मा भू॑यास॒ ँ स्वाहा॑।

शब्दस्पर्शरूपरसगन्धा मे॑ शुध्य॒न्तां॒ ज्योति॑- र॒हं वि॒रजां विपा॒प्मा भू॑यास॒ ँ स्वाहा॑।

मनोवाक्कायकर्माणि मे॑ शुध्य॒न्तां॒ ज्योति॑र॒हं वि॒रजा॑ विपा॒प्मा भू॑यासँ॒ स्वाहा॑ ।

मनोवाक्कायकर्माणि मे॑ शुध्य॒न्तां॒ ज्योति॑र॒हं वि॒रजा॑ विपा॒प्मा भू॑यासँ॒ स्वाहा॑ ।

मन इति। मनोवाक्कायानां कर्माणि। अन्यत्पूर्ववत्*।

अव्यक्तभावैर॑हंका॒रै॒र्ज्योति॑र॒हं वि॒रजा॑ विपा॒प्मा भू॑यास॒ ँ स्वाहा॑।

अव्यक्तभावैर॑हंका॒रै॒र्ज्योति॑र॒हं वि॒रजा॑ विपा॒प्मा भू॑यास॒ ँ स्वाहा॑।

अव्यक्तभावैरिति। हे परमात्मंस्त्वत्प्रसादादहंकारैर्व्यर्थगर्वैर्विमुक्तो भूयासम्। कथंभूतैरव्यक्तभावैः। लोकानां निकटेऽप्रकटिताभिप्रायैः। पूर्ववद+न्यत्। आत्मा मे॑ शुध्य॒न्तां॒ ज्योति॑र॒हं वि॒रजा॑ विपाप्मा भू॑यास॒ ँ स्वाहा॑। आत्मेति। म आत्मा शरीरं शुध्यन्तां शुद्धो भवतु। प्रायःपाठात्सर्वत्र बहुवचनप्रयोगश्छान्दसः।

अन्तरात्मा मे॑ शुध्य॒न्तां॒ ज्योति॑र॒हं वि॒रजा॑ विपा॒प्मा भू॑यास॒ ँ स्वाहा॑।

अन्तरात्मा मे॑ शुध्य॒न्तां॒ ज्योति॑र॒हं वि॒रजा॑ विपा॒प्मा भू॑यास॒ ँ स्वाहा॑।

क्षु॒धे स्वाहा॑।

क्षु॒धे स्वाहा॑।

क्षुत्पि॑पासाय॒ स्वाहा॑।

क्षुत्पि॑पासाय॒ स्वाहा॑।

क्षुत्पिपासायेति। एतदधिष्ठानदेवताभ्यां स्वाहा।

विवि॑ट्ट्यै॒ स्वाहा॑।

विवि॑ट्ट्यै॒ स्वाहा॑।

*एतदग्रे छ. पुस्तके (७५) तमानुवाकसमाप्तिर्दृश्यते। सा च मूलोक्तानुवाकपरिगणनविरु-द्धा। + एतदग्रे छ. पुस्तके (७६) तमानुवाकसमाप्तिर्दृश्यते। सा च मूलोक्तानुवाकपरिगणनविरुद्धा। * एतदग्रे छ. पुस्तके (७८) तमानुवाकसमाप्तिर्दृश्यते। सा च मूलोक्तानुवाकपरिगणनविरुद्धा। + एतदग्रे छ. पुस्तके (७९) तमानुवाकसमाप्तिर्दृश्यते, सा च मूलोक्तानुवाकपरिगणनविरुद्धा।

विविट्ट्या इति। “विष्ऌ व्याप्तौ” इति धातोरुत्पन्नोऽयं शब्दः। विशेषेण विष्टिर्व्याप्तिर्यस्य ब्रह्मणस्तद्विविट्टिः। छान्दसः षकारस्य टकारः। तादृशं ब्रह्मोद्दिश्य स्वाहा हुतमस्तु।

ऋग्वि॑धानाय॒ स्वाहा॑।

ऋग्वि॑धानाय॒ स्वाहा॑।

ऋग्विधानायेति। ऋचो विदधाति करोत्युत्पादयतीति ऋग्विधानः परमात्मा तस्मै स्वाहा हुतमस्तु।

क॒षो॑त्काय॒ स्वाहा॑।

क॒षो॑त्काय॒ स्वाहा॑।

कषोत्कायेति। “कष करणे” [इति] धातुः। कष्यते क्रियत इति कषो नामरूपकर्मात्मकः कार्यप्रपञ्चस्तस्मिन्नुत्क उपकर्तुमुत्सुकः कषोत्कः परमेश्वरास्तादृशाय सृष्ट्याद्युन्मुखाय परमेश्वराय स्वाहा।

क्षु॒त्पि॒पा॒साम॑लं ज्येष्ठामलक्ष्मीर्नाशया॒म्यहम्। अभू॑तिमस॑मृद्धिं॒ च॒ *सर्वान्निर्णुद मे पाप्मा॑न ँ स्वा॒हा।

क्षु॒त्पि॒पा॒साम॑लं ज्येष्ठामलक्ष्मीर्नाशया॒म्यहम्। अभू॑तिमस॑मृद्धिं॒ च॒ *सर्वान्निर्णुद मे पाप्मा॑न ँ स्वा॒हा।

क्षुत्पिपासामलमिति। हे परमात्मन्नहं त्वत्प्रसादात्क्षुत्पिपासारूपं मलं लक्ष्म्या ज्येष्ठामग्रजामलक्ष्मीरलक्ष्मीमभूतिमनैश्वर्यमसमृद्धिं धनधान्यादिसमृद्ध्यभावमेतान्सर्वान्नाशयामि। किंच त्वं मे मदीयं पाप्मानं निर्णुद विनाशय। तदर्थं स्वाहा तुभ्यं सुहुतमस्तु।

अन्नमयप्राणमयमनोमयविज्ञानमयमानन्दमयमात्मा मे॑ शुध्य॒न्तां॒ ज्योति॑र॒हं वि॒रजा॑ विपा॒प्मा भू॑यास॒ ँ स्वाहा॑॥

अन्नमयप्राणमयमनोमयविज्ञानमयमानन्दमयमात्मा मे॑ शुध्य॒न्तां॒ ज्योति॑र॒हं वि॒रजा॑ विपा॒प्मा भू॑यास॒ ँ स्वाहा॑॥