१० ५

न कर्म॑णा न प्र॒जया॒ धने॑न॒
त्यागे॑नैके अमृत॒त्वम् आ॑न॒शुः ।
परे॑ण॒ नाक॒न् निहि॑त॒ङ् गुहा॑याव्ँ
वि॒भ्राज॑ते॒ यद् यत॑यो वि॒शन्ति॑ ॥

वे॒दा॒न्त॒वि॒ज्ञान॒-सुनि॑श्चिता॒र्थास्
सन्न्या॑स-यो॒गाद् यत॑यश् शुद्ध॒सत्वाः॑ ।
ते ब्र॑ह्मलो॒के तु॒ परा॑न्तकाले॒
परा॑मृता॒त् परि॑मुच्यन्ति॒ सर्वे॑ ॥

द॒ह्रव्ँ॒ वि॒पा॒प्मं प॒रवे॑श्म-भूतय्ँ॒
यत् पु॑ण्डरी॒कं पु॒रम॑द्ध्य-सँ॒स्थम् ।
त॒त्रा॒पि द॒ह्रङ् ग॒गनव्ँ॑ विशोक॒स्
तस्मि॑न् यद् अ॒न्तस् तदुपा॑सित॒व्यम् ॥

यद् वेदादौ स्व॑रः प्रो॒क्तो॒
वे॒दान्ते॑ च प्र॒तिष्ठि॑तः ।
तस्य॑ प्र॒कृति॑लीन॒स्य॒
यः॒ पर॑स्स म॒हेश्व॑रः ॥ (24)