१७ चमसोपादानम् आप्यायस्व

Swell, O sweetest Soma,
With all thy aids,
Be fullest of help for us.

आ प्या॑यस्व मदिन्तम॒ सोम॒ विश्वा॑भिरू॒तिभिः॑ ।
भवा॑ नस्स॒प्रथ॑स्तमः ॥

सोम! मदिन्तम! मादयितृतम! ।
यद्वा - माद्यतम आत्मानन्दमय । ‘शमित्यष्टाभ्यो घिनुण्’ ‘नाद्घस्य’ इति नुट् । आप्यायस्व वर्धस्व विश्वाभिर् ऊतिभिः रक्षणैस् तर्पणैर्वा अस्माकं सप्रथस्तमो भव अतिशयेन प्रथा-समन्वितः सप्रथस्तमः । त्वमस्मद्विषयाभिस्सर्वाभिरूतिभिः भृशं प्रथितो भव अस्माभिस्सह वर्धस्व ॥