१४ आदित्योपधानम्

अथादित्यस्याष्टपु॑रुष॒स्य ।
वसूनामादित्यानाँ स्थाने स्वतेज॑सा भा॒नि ।
रुद्राणामादित्यानाँ स्थाने स्वतेज॑सा भा॒नि ।
आदित्यानामादित्यानाँ स्थाने स्वतेज॑सा भा॒नि ।
सताँ॑ सत्या॒नाम् ।
आदित्यानाँ स्थाने स्वतेज॑सा भा॒नि ।
अभिधून्वता॑मभि॒घ्नताम् ।
वातव॑तां म॒रुताम् ।
आदित्यानाँ स्थाने स्वतेज॑सा भा॒नि ।
ऋभूणामादित्यानाँ स्थाने स्वतेज॑सा भा॒नि ।
विश्वेषा॑न्देवा॒नाम् ।
आदित्यानाँ स्थाने स्वतेज॑सा भा॒नि ।
सव्ँवत्सर॑स्य स॒वितुः ।
आदित्यस्य स्थाने स्वतेज॑सा भा॒नि ।
ओं भूर्भुव॒स्स्वः॑ ।
रश्मयो वो मिथुनं मा नो मिथु॑नँ री॒ढ्वम् ॥ [67]