1अथ सम्भारयजूंषि अग्निर्यजुर्भिरित्यादीनि ॥ ‘हृदयं यजूंषि पत्न्यश्च’ इत्यादिषु विनियोगः । हृदयं ‘सुवर्णं धर्मं’ इत्यनुवाकः । एतानि यजूंषि । पत्न्यो वक्ष्यन्ते ‘सेनेन्द्रस्य’ इत्यादयः ।

अ॒ग्निर् यजु॑र्भिः +++(सम्भरति)+++।

अग्निर्यजुर्भिः यज्ञं सम्भृतवान् । तैस्तद्वान् इत्यन्ये । अस्य यजुश्शब्दसम्बन्धित्वात् सर्वाणि यजूंषि ।

अ॒ग्निर्यजु॑र्भिः ।

स॒वि॒ता स्तोमैः॑ ।

सविता स्तोमैः त्रिवृदादिभिः यज्ञं सम्भृतवान् । एवं सर्वत्र ।

स॒वि॒ता स्तोमैः॑ ।

इन्द्र॑ उक्थाम॒दैः+++(=स्तोत्रशस्त्रैः)+++ ।

उक्थामदैः स्तोत्रशस्त्रैः ।

इन्द्र॑ उक्थाम॒दैः ।

मि॒त्रावरु॑णाव् आ॒शिषा॑ ।

आशिषा प्रार्थनामन्त्रैः । गतमन्यत् ।

मि॒त्रावरु॑णाव् आ॒शिषा॑ ।

अङ्गि॑रसो॒ धिष्णि॑यैर॒ग्निभिः॑ ।

अङ्गि॑रसो॒ धिष्णि॑यैर॒ग्निभिः॑ ।

म॒रुत॑स् सदो–हविर्-धा॒नाभ्या॑म् ।

म॒रुत॑स्सदोहविर्धा॒नाभ्या॑म् ।

आपः॒ प्रोक्ष॑णीभिः ।

आपः॒ प्रोक्ष॑णीभिः ।

ओष॑धयो बर्हि॒षा॑ ।

ओष॑धयो बर्हि॒षा॑ ।

अदि॑ति॒र् वेद्या॑ ।

अदि॑ति॒र्वेद्या॑ ।

सोमो॑ दी॒क्षया॑ ।
(11)

सोमो॑ दी॒क्षया॑ ।
(11)

त्वष्टे॒ध्मेन॑ ।

त्वष्टे॒ध्मेन॑ ।

विष्णु॑र् य॒ज्ञेन॑ ।

विष्णुर्यज्ञेन तद्वान् ।

विष्णु॑र्य॒ज्ञेन॑ ।

वस॑व॒ आज्ये॑न ।

वस॑व॒ आज्ये॑न ।

आ॒दि॒त्या दक्षि॑णाभिः ।

आ॒दि॒त्या दक्षि॑णाभिः ।

विश्वे॑ दे॒वा ऊ॒र्जा ।

विश्वे॑ दे॒वा ऊ॒र्जा ।

पू॒षा स्व॑गा-का॒रेण॑ ।

स्वगाकारेण यथायथं हविस्स्वामिनां हविस्सम्बन्धकरणेन ।

पू॒षा स्व॑गाका॒रेण॑ ।

बृह॒स्-पतिः॑ पुरो॒धया॑ ।

पुरोधया प्राधान्येन, ब्रह्मत्वेन वा उद्गीथेन उद्गानेन द्वितीयया चतुर्थ्या वा विभक्त्या ।

बृह॒स्पतिः॑ पुरो॒धया॑ ।

प्र॒जाप॑तिर् उद्गी॒थेन॑ ।

प्र॒जाप॑तिरुद्गी॒थेन॑ ।

अ॒न्तरि॑क्षं प॒वित्रे॑ण ।

पवित्रेण दशापवित्रेण ।

अ॒न्तरि॑क्षं प॒वित्रे॑ण ।

वा॒युः पात्रैः॑ ।

पात्रैः उर्ध्वपात्रैः

वा॒युः पात्रैः॑ ।

अ॒हँ श्र॒द्धया॑ ।+++(5)+++
(12)

अहं श्रद्धया सर्वदा यजे इति ॥ इत्यारण्यके तृतीये अष्टमोऽनुवाकः ॥

अ॒हँ श्र॒द्धया॑ ।
(12)