०३

स्वाहा सोमाय पितृमते १

स्वाहाग्नये कव्यवाहनाय २

अपहता असुरा रक्षाँ सि वेदिषदः ३

ये रूपाणि प्रतिमुञ्चमाना
असुराः सन्तः स्वधया चरन्ति ।
परापुरो निपुरो ये भरन्त्य्
अग्निष्टाँ ल्लोकात्प्रणुदत्वस्मात् ४

एत पितरः सोम्यासो
गम्भीरेभिः पथिभिः पूर्विणेभिः ।
दत्तास्मभ्यं द्र विणेह भद्र ँ!
रयिं च नः सर्ववीरं नियच्छत ५

अत्र पितरो मादयध्वँ
यथाभागमावृषायध्वम् ६

अमीमदन्त पितरो
यथाभागमावृषायिषत ७

नमो वः पितरो जीवाय
नमो वः पितरः शूषाय ८

नमो वः पितरो घोराय
नमो वः पितरो रसाय ९

स्नमो वः पितरःस्वधायै
नमो वः पितरो मन्यवे १०

स्नमो वः पितरः पितरो नमो वः ११

स्गृहान्नः पितरो दत्त १२

स्सदो वः पितरो देष्म
सदस्वस्पितरस्देष्म १३

सेतद्वः पितरो वासः
एतद्वस्पितरस्वासस् १४

सूर्जँ वहन्तीरमृतं घृतं पयः
कीलालं परिस्रुतँ स्वधा स्थ ।
तर्पयत मे पितीऋन् १५

साधत्त पितरो गर्भं
कुमारं पुष्करस्रजम् ।
यथेह पुरुषः स्यात् १६

सभून्नो दूतो हविषो जातवेदा
अवाड्ढव्यानि सुरभीणि कृत्वा ।
प्रादात्पितृभ्यः स्वधया ते अक्षन्
प्रजानन्नग्ने पुनरेहि योनिम् १७

स्वह वपां जातवेदः पितृभ्यो
यत्रैतान्वेत्थ निहितान्पराचः ।
मेदसः कुल्या अभि तान्स्रवन्तु
सत्या एषामाशिषः सन्तु कामाः स्वाहा १८

स्जातवेदो वपया गच्छ देवाँ स्
त्वँ हि होता प्रथमो बभूव ।
सत्या वपा प्रगृहीता मे अस्तु
समृध्यतां मे यदिदं करोमि १९

स्यत्कुसीदमप्रदत्तं मयेह
येन यमस्य निधिना चराणि ।
इदं तदग्ने अनृणो भवामि
जीवन्नेव प्रति तत्ते ददामि २०

सेकाष्टका तपसा तप्यमाना
जजान गर्भं महिमानमिन्द्र म् ।
तेन देवा असहन्त शत्रून्
हन्तासुराणामभवच्छचीभिः २१
३