८

इ꣡न्द्र꣢꣯म्। अ꣡च्छ꣢꣯। सु꣣ताः꣢। इ꣣मे꣢। वृ꣡ष꣢꣯णम्। य꣣न्तु। ह꣡र꣢꣯यः। श्रु꣣ष्टे꣢। जा꣣ता꣡सः꣢। इ꣡न्द꣢꣯वः। स्व꣣र्वि꣡दः꣢।स्वः꣣।वि꣡दः꣢꣯।1।
प्र꣢। ध꣣न्व । सोम। जा꣡गृ꣢꣯विः। इ꣡न्द्रा꣢꣯य। इ꣣न्दो। प꣡रि꣢꣯। स्र꣣व। द्युम꣡न्त꣢म्। शु꣡ष्म꣢꣯म्। आ। भ꣣र। स्वर्वि꣡द꣢म् ।स्वः꣣।वि꣡द꣢꣯म्।2।
स꣡खा꣢꣯यः।स।खा꣣यः।आ꣢। नि।सी꣣दत। पुनाना꣡य꣢। प्र। गा꣣यत। शि꣡शुम्। न। य꣣ज्ञैः꣢ ।प꣡रि꣢꣯। भू꣣षत। श्रिये꣢।3।
त꣢म्। वः꣣। सखायः।स।खायः। म꣡दा꣢꣯य। पु꣣नान꣢म्।अ꣣भि꣢ ।गा꣣यत। शि꣡शु꣢꣯म्। न। ह꣣व्यैः꣢ ।स्व꣣दयन्त। गूर्ति꣡भिः꣢ ।4।
प्रा꣣णा꣢।प्र꣣॥आना꣢। शि꣡शुः꣢꣯। म꣣ही꣡ना꣢म्। हि꣣न्व꣢न्।ऋ꣣त꣡स्य꣢। दी꣡धि꣢꣯तिम्। वि꣡श्वा꣢꣯। प꣡रि꣢꣯ ।प्रि꣣या꣢। भु꣣वत्। अ꣡ध꣢꣯ । द्वि꣣ता꣢।5।
प꣡व꣢꣯स्व। दे꣣व꣡वी꣢तये।दे꣣व꣢।वी꣣तये।इ꣡न्दो꣢꣯ । धा꣡रा꣢꣯भिः। ओ꣡ज꣢꣯सा। आ । क꣣ल꣡श꣢म्। म꣡धु꣢꣯मान्। सो꣣म। नः। सदः ।6।
सो꣡मः꣢꣯। पु꣣नानः꣢ । ऊ꣣र्मि꣡णा꣢।अ꣡व्य꣢꣯म्।वा꣡र꣢꣯म्। वि। धा꣣वति। अ꣡ग्रे꣢꣯। वा꣣चः꣢। प꣡व꣢꣯मानः। क꣡नि꣢꣯क्रदत्।7।
प्र꣢। पु꣣नाना꣡य꣢। वे꣣ध꣡से꣢। सो꣡मा꣢꣯य। व꣡चः꣢꣯। उ꣣च्यते। भृति꣢म् । न । भ꣣रा । मति꣡भिः꣢ ।जु꣣जो꣡ष꣢ते। 8।
गो꣡म꣢꣯त्।नः꣣। इन्दो। अ꣡श्व꣢꣯वत्। सु꣣तः꣢ । सु꣣दक्ष।सु।दक्ष। धनिव। शु꣡चि꣢꣯म्। च꣣।व꣡र्ण꣢꣯म्।अ꣡धि꣢꣯। गो꣡षु꣢꣯। धा꣣रय। 9।
अ꣣स्म꣡भ्य꣢म्। त्वा꣣। वसुवि꣡द꣢म्।व꣣सु।वि꣡द꣢꣯म्।अ꣣भि꣢। वा꣡णीः꣢। अ꣣नूषत। गो꣡भिः꣢꣯। ते꣣। व꣡र्ण꣢꣯म्। अ꣣भि꣢। वा꣣सयामसि ।10।
प꣡व꣢꣯ते। ह꣣र्यतः꣢। ह꣡रिः꣢꣯।अ꣡ति꣢꣯।ह्व꣡राँ꣢꣯सि। रँ꣡ह्या꣢꣯। अ꣣भि꣢। अ꣣र्ष। स्तोतृ꣡भ्यः꣢। वी꣣र꣡व꣢त्। य꣡शः꣢꣯।11।
प꣡रि꣢꣯। को꣡श꣢꣯म्। म꣣धुश्चु꣡त꣢म्।म꣣धु।श्चु꣡त꣢꣯म्। सो꣡मः꣢꣯। पु꣣नानः꣢। अ꣣र्षति। अभि꣢। वा꣡णीः꣢꣯।ऋ꣡षी꣢꣯णाम्। स꣣प्ता।नू꣢षत।12।