४

प्र꣢। तु । द्र꣣व। प꣡रि꣢꣯। को꣡श꣢꣯म्। नि। सी꣣द। नृ꣡भिः꣢꣯। पु꣣नानः꣢। अ꣣भि꣢। वा꣡ज꣢꣯म्। अ꣣र्ष। अ꣡श्व꣢꣯म्। न। त्वा꣣। वाजि꣡न꣢म्। म꣣र्ज꣡य꣢न्तः।अ꣡च्छा꣢꣯। ब꣣र्हीः꣢। र꣣शना꣡भिः꣢। न꣣यन्ति । 1।
प्र꣢। का꣡व्य꣢꣯म्। उ꣣श꣡ना꣢। इ꣣व । ब्रुवाणः꣢। दे꣣वः꣢। दे꣣वा꣡ना꣢म्। ज꣡नि꣢꣯म। वि꣣वक्ति। म꣡हि꣢꣯व्रतः।म꣡हि꣢꣯।व्र꣣तः। शु꣡चि꣢꣯बन्धुः ।शु꣡चि꣢꣯।ब꣣न्धुः। पावकः꣢। प꣣दा꣢। व꣣राहः꣢। अ꣣भि꣢। ए꣣ति। रे꣡भ꣢꣯न्।2।
ति꣣स्रः꣢।वा꣡चः꣢꣯। ई꣣रयति। प्र꣢। व꣡ह्निः꣢꣯। ऋ꣣त꣡स्य꣢ । धी꣣ति꣢म्। ब्र꣡ह्म꣢꣯णः। म꣣नीषा꣢म्। गा꣡वः꣢꣯। य꣣न्ति। गो꣡प꣢꣯तिम् ।गो।प꣣तिम्। पृच्छ꣡मा꣢नाः। सो꣡म꣢꣯म्। य꣣न्ति । मत꣡यः꣢। वा꣣वशानाः꣢ ।3।
अ꣣स्य꣢। प्रे꣣षा꣢। हे꣣म꣡ना꣢। पू꣣य꣡मा꣢नः। दे꣣वः꣢। दे꣣वे꣡भिः꣣। सम्।अ꣣पृक्त। र꣡स꣢꣯म्। सु꣣तः꣢। प꣣वि꣢त्र꣢म्। प꣡रि꣢꣯। ए꣣ति। रे꣡भ꣢꣯न्। मि꣣ता꣢।इ꣣व। स꣡द्म꣢꣯। प꣣शुम꣡न्ति꣢। हो꣡ता꣢꣯। 4।
सो꣡मः꣢꣯। प꣣वते ।जनिता꣢। म꣣तीना꣢म्। ज꣣निता꣢। दि꣣वः꣢। ज꣣निता꣢। पृ꣣थिव्याः꣢। ज꣣निता꣢।अ꣣ग्नेः꣢। ज꣣निता꣢। सू꣡र्य꣢꣯स्य । ज꣣निता꣢। इ꣡न्द्र꣢꣯स्य। ज꣣निता꣢। उ꣣त꣢। वि꣡ष्णोः꣢꣯। 5 ।
अ꣣भि꣢। त्रि꣣पृष्ठ꣢म्।त्रि꣣।पृष्ठ꣢म्। वृ꣡ष꣢꣯णम्। व꣣योधा꣢म्।व꣣यः।धा꣢म् । अ꣣ङ्गोषि꣡ण꣢म्। अ꣣वावशन्त। वा꣡णीः꣢꣯। व꣡ना꣢꣯। व꣡सा꣢꣯नः। व꣡रु꣢꣯णः।न।सि꣡न्धुः꣢꣯। वि। र꣣त्नधाः꣢।र꣣त्न।धाः꣢। द꣣यते। वा꣡र्या꣢꣯णि ।6।
अ꣡क्रा꣢꣯न्। स꣣मुद्रः꣢।स꣣म्।उद्रः꣢। प्र꣣थमे꣢। वि꣡ध꣢꣯र्मन्।वि।ध꣣र्मन्। जन꣡य꣢न्। प्र꣣जाः꣢।प्र꣣। जाः꣢। भु꣡व꣢꣯नस्य । गो꣣पाः꣢।गो꣣।पाः꣢। वृ꣡षा꣢꣯। प꣣वि꣡त्रे꣢। अ꣡धि꣢꣯ सा꣡नौ꣢꣯। अ꣡व्ये꣢꣯। बृ꣣ह꣢त् । सो꣡मः꣢꣯। वा꣣वृधे। स्वानः꣢। अ꣡द्रिः꣢꣯।अ।द्रिः꣣।7।
क꣡नि꣢꣯क्रन्ति। ह꣡रिः꣢꣯॥ सृ꣣ज्य꣡मा꣢नः। सी꣡द꣢꣯न्। व꣡न꣢꣯स्य ।ज꣣ठ꣡रे꣢। पु꣣नानः꣢। नृ꣡भिः꣢।य꣣तः꣢। कृ꣣णुते। निर्णि꣡ज꣢म्।निः꣣।नि꣡ज꣢꣯म्। गाम्। अ꣡तः꣢꣯। म꣣ति꣢म् । ज꣣नयत। स्वधा꣡भिः꣢।स्व꣣।धा꣡भिः꣢꣯। 8।
ए꣣षः꣢। स्यः। ते꣣। म꣡धु꣢꣯मान्। इ꣣न्द्र। सो꣡मः꣢꣯। वृ꣡षा꣢꣯। वृ꣡ष्णः꣢꣯ । प꣡रि꣢꣯। प꣣वि꣡त्रे꣢। अ꣣क्षारि꣡ति꣢। स꣣हस्रदाः꣢।स꣣हस्र। दाः꣢ । श꣣तदाः꣢।श꣣त।दाः꣢। भू꣣रिदा꣡वा꣢।भू꣣रि।दा꣡वा꣢꣯। श꣣श्वत्तम꣢म्। ब꣣र्हिः꣢।आ। वा꣣जी꣢। अ꣣स्थात्।9।
प꣡व꣢꣯स्व । सो꣣म। म꣡धु꣢꣯मान्। ऋ꣣ता꣡वा꣢।अ꣣पः꣢। व꣡सा꣢꣯नः। अ꣡धि꣢꣯। सा꣡नौ꣢꣯। अ꣡व्ये꣢꣯। अ꣡व꣢꣯। द्रो꣡णा꣢꣯नि । घृ꣣त꣡व꣢न्ति। रो꣣ह । मदि꣡न्त꣢मः। म꣣त्सरः꣢। इ꣣न्द्रपा꣡नः꣢।इ꣣न्द्र।पा꣡नः꣢꣯। 10।