०९

यः꣢। रा꣡जा꣢꣯। च꣣र्षणीना꣢म्। या꣡ता꣢꣯। र꣡थे꣢꣯भिः। अ꣡ध्रि꣢꣯गुः।अ꣡ध्रि꣢꣯ । गुः꣣। वि꣡श्वा꣢꣯साम्। त꣣रुता꣢। पृ꣡त꣢꣯नानाम्। ज्ये꣡ष्ठ꣢꣯म्। यः। वृ꣣त्रहा꣢।वृ꣣त्र।हा꣢।गृ꣣णे꣢।1।
य꣡तः꣢꣯। इ꣣न्द्र। भ꣡या꣢꣯महे। त꣡तः꣢꣯। नः꣣। अ꣡भ꣢꣯यम्।अ।भ꣣यम्। कृधि। म꣡घ꣢꣯वन्। श꣣ग्धि꣢। त꣡व꣢꣯। तत्।नः꣣। ऊत꣡ये꣢ वि। द्वि꣡षः꣢꣯। वि। मृ꣡धः꣢꣯। ज꣣हि।2।
वा꣡स्तोः꣢꣯। प꣣ते । ध्रुवा꣢ । स्थू꣡णा꣢꣯। अँ꣡सत्रम्। सो꣣म्या꣡ना꣢म्। द्र꣣प्सः꣢। पु꣣रा꣢म्। भे꣣त्ता꣢। श꣡श्व꣢꣯तीनाम्। इ꣡न्द्रः꣢꣯। मु꣡नी꣢꣯नाम् ।स꣡खा꣢꣯ ।स।खा꣣।3।
ब꣢ट्।म꣣हा꣢न्। अ꣢सि ।सूर्य । ब꣢ट्। आ꣣दित्य ।आ।दित्य।महा꣢न्। अ꣣सि। महः꣢। ते꣣ ।सतः꣢। म꣢हिमा꣢। प꣣निष्टम। मह्ना꣢। दे꣣व। महा꣢न्। अ꣣सि।4।
अ꣣श्वी꣢। र꣣थी꣢। सु꣣रूपः꣢।सु꣣।रूपः꣢।इत्। गो꣡मा꣢꣯न्।यत्। इ꣣न्द्र । ते । स꣡खा꣢꣯ ।स।खा꣣। श्वात्रभा꣡जा꣢।श्वा꣣त्र।भा꣡जा꣢꣯। व꣡य꣢꣯सा ।स꣣चते। स꣡दा꣢꣯। च꣣न्द्रैः꣢। या꣣ति ।सभा꣢म्।स꣣।भा꣢म्।उ꣡प꣢꣯।5।
य꣢त्। द्या꣡वः꣢꣯। इ꣣न्द्र ।ते । शत꣢म्। श꣣त꣢म्। भू꣡मीः꣢꣯। उ꣣त꣢। स्युः। न। त्वा꣣ ।वज्रिन् । सह꣡स्र꣢म्। सू꣡र्याः꣢꣯। अ꣡नु꣢꣯। न। जा꣣त꣢म्।अ꣣ष्ट। रो꣡द꣢꣯सी꣣इ꣡ति꣢। 6।
य꣢त्। इ꣣न्द्र। प्रा꣢क् ।अ꣡पा꣢꣯क् । अ꣡प꣢꣯ ।अ꣣क्। उ꣡द꣢꣯क् ।उत्। अ꣣क्। न्य꣢꣯क्। नि। अ꣣क्। वा। हूय꣡से꣢ । नृ꣡भिः꣢꣯। सि꣡म꣢꣯।पु꣣रू꣢। नृ꣡षू꣢꣯तः।नृ।सू꣣तः॥ असि। आ꣡न꣢꣯वे। अ꣡सि꣢꣯। प्र꣣शर्ध।प्र।शर्द्ध। तु꣡र्वशे꣢।7।
कः꣢। तम्।इ꣣न्द्र।त्वावसो।त्वा।वसो।आ꣢।म꣡र्त्यः꣢꣯। द꣣धर्षति। श्रद्धा꣢।श्र꣣त्।धा꣢। हि। ते꣣। मघवन्। पा꣡र्ये꣢꣯। दि꣣वि꣢। वा꣣जि꣢। वा꣡ज꣢꣯म्। सि꣣षासति।8।
इ꣡न्द्रा꣢꣯ग्नी । इ꣡न्द्र꣢꣯।अ꣣ग्नीइ꣡ति꣢। अ꣣पा꣢त्।अ꣣।पा꣢त्।इ꣣य꣢म्। पू꣡र्वा꣢꣯। आ। अ꣣गात्। पद्व꣡ती꣢भ्यः। हि꣣त्वा꣢। शि꣡रः꣢꣯। जि꣣ह्व꣡या꣢ । रा꣡र꣢꣯पत् । च꣡र꣢꣯त्। त्रिँ꣣श꣢त् । प꣣दा꣡नि꣢।अ꣣क्रमीत्।9।
इ꣡न्द्र꣢꣯। ने꣡दी꣢꣯यः। आ। इत्। इ꣣हि ।मित꣡मे꣢धाभिः।मि꣣त꣢।मे꣣धाभिः। ऊति꣡भिः꣢। आ। श꣣न्तम। श꣡न्त꣢꣯तमाभिः। अ꣣भि꣡ष्टि꣢भिः । आ।स्वा꣢पे।सु।आपे। स्वापि꣡भिः꣢।सु꣣।आपि꣡भिः꣢।10।