०५

अ꣣भि꣢। त्वा꣣।शूर। नोनुमः। अ꣡दु꣢ग्धाः ।अ।दु꣣ग्धाः।इव। धेन꣡वः꣢। ई꣡शा꣢꣯नम्।अ꣣स्य꣢ । ज꣡ग꣢꣯तः ।स्व꣣र्दृ꣡श꣢म्।स्वः꣣। दृ꣡श꣢꣯म्। इ꣡शा꣢꣯नम्। इ꣣न्द्र ।तस्थु꣡षः꣢।1।
त्वा꣢म् । इत्। हि। ह꣡वा꣢꣯महे । सा꣣तौ꣢ । वा꣡ज꣢꣯स्य। का꣣र꣡वः꣢। त्वाम् ।वृ꣣त्रे꣡षु꣢। इ꣣न्द्र। स꣡त्प꣢꣯तिम्।सत् ।प꣣तिम्। न꣡रः꣢꣯। त्वाम् । का꣡ष्ठा꣢꣯सु। अ꣡र्व꣢꣯तः।2।
अ꣣भि꣢। प्र। वः꣣। सुरा꣡ध꣢सम्।सु꣣।रा꣡ध꣢꣯सम्। इ꣡न्द्र꣢꣯म्। अ꣣र्च ।य꣡था꣢꣯। वि꣣दे꣢। यः। ज꣣रितृ꣡भ्यः꣢। म꣣घ꣡वा꣢। पु꣣रूव꣡सुः꣢।पु꣣रू।व꣡सुः꣢꣯। स꣣ह꣡स्रे꣢ण। इ꣣व। शि꣡क्ष꣢꣯ति । 3।
त꣢म् । वः꣣। दस्म꣢म् । ऋ꣣तीष꣡ह꣢म्। ऋ꣣ति। स꣡ह꣢꣯म्। व꣡सोः꣢꣯। म꣣न्दान꣢म्।अ꣡न्ध꣢꣯सः। अ꣣भि꣢। व꣣त्स꣢म् ।न ।स्व꣡स꣢꣯रेषु। धे꣣न꣡वः꣣ । इ꣡न्द्र꣢꣯म्। गी꣣र्भिः꣢। न꣣वामहे ।4।
त꣡रो꣢꣯भिः । वः꣣। विद꣡द्व꣢सुम्।वि꣣द꣢त्।व꣣सुम्। इ꣡न्द्र꣢꣯म्। स꣣बा꣡धः꣢ ।स꣣।बा꣡धः꣢꣯। ऊ꣣त꣡ये꣢। बृ꣣ह꣢त् । गा꣡य꣢꣯न्तः । सु꣣त꣡सो꣢मे ।सु꣣त꣢।सो꣣मे। अध्वरे꣢। हु꣣वे꣢। भ꣡र꣢म्। न। का꣣रि꣡ण꣢म् ।5 ।
त꣣र꣡णिः꣢। इत्। सि꣣षासति। वा꣡जम् । पु꣡रु꣢꣯न्ध्या। पु꣡र꣢꣯म् ।ध्या꣣ । युजा꣢।आ।वः꣣ । इ꣡न्द्र꣢꣯म्। पु꣣रुहूत꣢म्।पु꣣रु।हूत꣢म्। न꣣मे। गिरा꣢ ।ने꣣मि꣢म्। त꣡ष्टा꣢꣯।इ꣣व। सुद्रु꣡व꣢म्।सु꣣।द्रु꣡व꣢꣯म्।6।
पि꣡बा꣢꣯। सु꣣त꣡स्य꣢। र꣣सि꣡नः꣢। म꣡त्स्व꣢꣯। नः꣣। इन्द्र । गो꣡म꣢꣯तः। आ꣣पिः꣢। नः꣣। बोधि । सधमा꣡द्ये꣢।स꣣ध।मा꣡द्ये꣢꣯। वृ꣣धे꣢।अ꣣स्मा꣢न्। अ꣣वन्तु ।ते। धि꣡यः꣢꣯।7।
त्व꣢म्। हि।आ।इ꣣हि। चे꣡र꣢꣯वे । वि꣣दाः꣢ । भ꣡ग꣢꣯म्। व꣡सु꣢꣯त्तये। उत्।वा꣣वृषस्व । मघवन्। ग꣡वि꣢꣯ष्टये।गो।इ꣣ष्टये। उ꣢त्। इ꣣न्द्र। अ꣡श्व꣢꣯मिष्टये।अ꣡श्व꣢꣯म्।इ꣣ष्टये।8।
न꣢। हि। वः꣣। चरम꣢म्। च꣣। न꣢। व꣡सि꣢꣯ष्ठः ।प꣣रिमँ꣡स꣢ते।प꣣रि।मँ꣡स꣢꣯ते।अ꣣स्मा꣡क꣢म् ।अ꣣द्य꣢। अ꣣।द्य꣢।म꣣रु꣡तः꣢। सु꣣ते꣢। स꣡चा꣢꣯। वि꣡श्वे꣢꣯। पि꣣बन्तु ।कामि꣡नः꣢।9।
मा꣢। चि꣣त्।अन्य꣢त्।अ꣣न्।य꣢त्। वि। शँ꣣सत। स꣡खा꣢꣯यः।स।खा꣣यः। मा꣢ ।रि꣣षण्यत। इ꣡न्द्र꣢꣯म्। इत्।स्तो꣣त। वृ꣡ष꣢꣯णम्। स꣡चा꣢꣯। सु꣣ते꣢ ।मु꣡हुः꣢꣯।उ꣣क्था꣢ ।च꣣। शँसत।10।