०१

अ꣡ग्ने꣢꣯ । आ । या꣣हि । वीत꣡ये꣢ । गृ꣣णानः꣢। ह꣣व्य꣡दा꣢त्ये । ह꣣व्य꣢। दा꣣तये। नि꣢। हो꣡ता꣢꣯ । स꣣त्सि । बर्हि꣡षि꣢ ।1।
त्व꣢म् । अ꣣ग्ने । यज्ञा꣡ना꣢म् । हो꣡ता꣢꣯ । वि꣡श्वे꣢꣯षाम् । हि꣣तः꣢ । दे꣣वे꣡भिः꣢ । मा꣡नु꣢꣯षे । ज꣡ने꣢꣯ ।2।
अ꣣ग्नि꣢म् । दू꣣त꣢म् । वृ꣣णीमहे। हो꣡ता꣢꣯रम् । वि꣣श्व꣡वे꣢दसम् । वि꣣श्व꣢ । वे꣣दसम्। अस्य꣢ । य꣣ज्ञ꣡स्य꣢ । सु꣣क्र꣡तु꣢म् । सु꣣ । क्र꣡तु꣢꣯म् ।3।
अ꣣ग्निः꣢। वृ꣣त्रा꣡णि꣢ । ज꣣ङ्घनत् । द्रविणस्युः꣢ । वि꣣पन्य꣡या꣢ । स꣡मि꣢꣯द्धः । सम्। इ꣣द्धः । शुक्रः꣢। आ꣡हु꣢꣯तः। आ । हु꣣तः । 4।
प्रे꣡ष्ठ꣢꣯म्। वः꣢ । अ꣡ति꣢꣯थिम् । स्तु꣣षे꣢ । मि꣣त्र꣢म् । मि꣣ । त्र꣢म् । इ꣣व। प्रि꣣य꣢म् । अ꣡ग्ने꣢꣯ । र꣡थ꣢꣯म् । न । वे꣡द्य꣢꣯म् । 5।
त्व꣢म् । नः꣢ । अग्ने । म꣡हो꣢꣯भिः । पा꣣हि꣢। वि꣡श्व꣢꣯स्य । अ꣡रा꣢꣯तेः । अ । रा꣣तेः । उत꣢ । द्वि꣣षः꣢ । म꣡र्त्य꣢꣯स्य । 6।
आ꣢ । इ꣣हि । उ । सु꣢ । ब्र꣡वा꣢꣯णि । ते꣣ । अ꣡ग्रे꣢꣯ । इ꣣त्था꣢ । इ꣡त꣢꣯राः । गि꣡रः꣢꣯ । ए꣣भिः꣢ । व꣣र्धासे । इ꣡न्दु꣢꣯भिः । 7।
आ꣢ । ते꣣ । वत्सः꣢ । म꣡नः꣢꣯ । य꣣मत्। परमा꣢त् । चि꣣त् । सध꣡स्था꣢त्। स꣣ध꣢ । स्था꣣त्। अ꣡ग्ने꣢꣯ । त्वाम्। का꣣मये । गिरा꣢ । 8।
त्वा꣢म् । अ꣣ग्रे । पु꣡ष्क꣢꣯रात् । अ꣡धि꣢꣯ । अ꣡थ꣢꣯र्वा । निः । अ꣣मन्थत । मूर्ध्नः꣢ । वि꣡श्व꣢꣯स्य । वा꣣घ꣡तः꣢ ।9।
अ꣡ग्ने꣢꣯ । वि꣡व꣢꣯स्वत् । वि । व꣣स्वत् । आ꣢ । भ꣣र । अस्म꣡भ्य꣢म् । ऊ꣣त꣡ये꣢ । म꣣हे꣢ । दे꣣वः꣢ । हि। अ꣡सि꣢꣯ । नः꣢ । दृशे꣢ ।10।