अथ वंशब्राह्मणम्
प्रथमः खण्डः
1 नमो ब्रह्मणे- नमो ब्राह्मणेम्यो- नम आचार्येभ्यो- नम ऋषिभ्यो- नमो देवेभ्यो- नमो वेदेभ्यो- नमो वायवे च- मृत्यवे च- विष्णवे च- नमो वैश्रवणाय च।
उपजायत- शर्वदत्ता-द्गार्ग्यात्।
शर्वदत्तो गार्ग्यो- रुद्रभूते-र्द्राह्यायणात्।
रुद्रभूति-र्द्राह्यायण-स्त्राता-दैषुमात्।
त्रात ऐषुमतो- निगडा-त्पार्णवल्केः।
निगडᳲ पार्णवल्कि-र्गिरिशर्मणᳲ काण्ठेविद्धेः।
गिरिशर्मा काण्ठेविद्धि-र्ब्रह्मवृद्धे-श्छन्दोगमाहकेः।
ब्रह्मवृद्धि-श्छन्दोगमाहकि- र्मित्रवर्च्चस- स्स्थैरकायनात्।
मित्रवर्च्चा-स्स्थैरकायन-स्सुप्रतीता-दौलुन्द्यात्।सुप्रतीत औलुन्द्यो- बृहस्पतिगुप्ता-च्छायस्थेः।
बृहस्पति-गुप्त-श्शायस्थि-र्भवत्राता-च्छायस्थेः।
भवत्रात-श्शायस्थिᳲ- कुस्तुका-च्छार्कराक्षात्।
कुस्तुक श्शार्कराक्ष- श्श्रवणदत्ता-त्कौहलात्।
श्रवणदत्तᳲ कौहल- स्सुशारदा-च्छालङ्कायनात्।
सुशारद श्शालङ्कायन- ऊर्जयत औपमन्यवात्।
ऊर्जय-न्नौपमन्यवो- भानुमत औपमन्यवात्।
भानुमा-नौपमन्यव- आनन्दजा-च्चान्धनायनात्।
आनन्दज-श्चाऽऽन्धनायन- श्शाम्बा-च्छार्कराक्ष्या-त्काम्बोजा-च्चौपमन्यवात्।
शाम्ब श्शार्कराक्ष्यᳲ- काम्बोज-श्चौपमन्यवो- मद्रगारा-च्छौङ्गायनेः।मद्रगार श्शौङ्गायनि- स्स्वाते-रौष्ट्राक्षेः।
स्वाति-रौष्ट्राक्षि- स्सुश्रवसो वार्षगण्यात्।
सुश्रवा वार्षगण्यᳲ- प्रात-रह्ना-त्कौहलात्।
प्रातरह्नᳲ कौहलᳲ- केतो-र्वाद्यात्।
केतु-र्वाद्यो- मित्रविन्दा-त्कौहलात्।
मित्रविन्दᳲ कौहल- स्सुनीथा-त्कापटवात्।
सुनीथᳲ कापटव- स्सुतेमनस- श्शाण्डिलायनात्।
सुतेमना श्शाण्डिल्यायनो-ऽशो-र्द्धानञ्जय्यात्॥ १॥ —
द्वितीय खण्डः
–२ अंशु-र्धानञ्जय्यो-ऽमावास्या-च्छाण्डिल्यायना-द्राधाच्च गौतमात्।
राधो गौतमो- गातु-र्गौतमा-त्पितुः।
गाता गौतम- स्सँवर्गजितो लामकायनात्।
सँवर्गजि-ल्लामकायन- श्शाकदासा-द्भाडितायनात्।
शाकदासो भाडितायनो- विचक्षणा-त्ताण्ड्यात्।
विचक्षण-स्ताण्ड्यो- गर्द्दभीमुखा-च्छाण्डिल्यायनात्।
गर्द्दभीमुख-श्शाण्डिल्यायन- उदरशाण्डिल्या-त्पितुः।
उदर-शाण्डिल्यो-ऽतिधन्वनश्च शौनका-न्मशकाच्च गार्ग्यात्।
मशको गार्ग्य- स्स्थिरका-द्गार्ग्या-त्पितुः।
स्थिरको गर्ग्यो- वासिष्ठा-च्चैकितानेयात्।वासिष्ठ-श्चैकितानेयो- वासिष्ठा-दारेहण्या-द्राजन्यात्।
वासिष्ठ आरेहण्यो राजन्य- स्सुमन्ता-द्बाभ्रवा-द्गौतमात्।
सुमन्तो बाभ्रवो गौतम- श्शूषा-द्वाह्नेया-द्भारद्वाजात्।
शूषो वाह्नेयो भारद्वाजो-ऽराला-द्दार्त्तेया-च्छौनकात्।
अरालो दार्त्तेय श्शौनको- दृते-रैन्द्रोता-च्छौनका-त्पितुः।
दृति-रैन्द्रोत-श्शौनक- इन्द्रोता-च्छौनका-त्पितु-रेव।
इन्द्रोत श्शौनको- वृषशुष्णा-द्वातावतात्।
वृषशुष्णो वातावतो- निकोथका-द्भायजात्यात्।
निकोथको भायजात्यᳲ- प्रतिथे-र्देवतरथात्।
प्रतिथि-र्देवतरथो- देव-तरस-श्शावसायना-त्पितुः।र्देव-तरा श्शावसायन- श्शवसᳲ पितु-रेव।
शवा- अग्निभुवᳲ काश्यपात्।
अग्निभूᳲ काश्यप- इन्द्रभुवᳲ काश्यपात्।
इन्द्रभूᳲ काश्यपो- मित्रभुवᳲ काश्यपात्।
मित्रभूᳲ काश्यपो- विभण्डका-त्काश्यपा-त्पितुः।
विभण्डकᳲ काश्यप- ऋष्यश्रृङ्गा-त्काश्यपा-त्पितुः।
ऋष्यश्रृङ्गᳲ काश्यपᳲ- कश्यपा-त्पितु-रेव।
कश्यपो-ऽग्नेः।
अग्नि-रिन्द्रात्।
इन्द्रो- वायोः।
भद्रशर्मा कौशिकᳲ- पुष्य-यशस औदव्रजेः।
पुष्ययशा औदव्रजि- स्सङ्करा-द्गौतमात्।
सङ्करो गौतमो-ऽर्यम-राधाच्च गोभिला-त्पूषमित्राच्च गोभिलात्।
पूषमित्रो गोभिलो-ऽश्वमित्रा-द्गोभिलात्।
अश्वमित्रो गोभिलो- वरुणमित्रा-द्गोभिलात्।
वरुणमित्रो गोभिलो- मूलमित्रा-द्गोभिलात्।
मूलमित्रो गोभिलो- वत्समित्रा-द्गोभिलात्।
वत्समित्रो गोभिलो- गौल्गुलवी-पुत्रा-द्गोभिलात्।
गौल्गुलवी-पुत्रो गोभिलो- बृहद्वसोᳲ पितुः।
बृहद्वसु-र्गोभिलो- गोभिला-देव।
गोभिलो- राधाच्च गौतमात्।
समानं परं- समानं परम्॥ 3॥ ॥ समाप्तमिदं वंश ब्राह्मणम्॥—-