इदमेवेदमग्रेऽन्तरिक्षमासीत् ।
तद्वेवाप्येतर्हि ।
तदेतद्वितानं यदिमाल्ँ लोकान्व्याप्तम् ।
तस्माद्द्वि नाम ।
तदकामयत स्यां प्रजायेय भूमानं गच्छेयमिति ।
तत्तपोऽतप्यत ।
तत्तप्यमानमद्योतत ।
वीव वा इदमद्युतदिति ।
सैषा विद्युदभवत् ।
एषोऽर्चिरेतज्ज्योतिः ।
विद्युद्भूत्वातप्यत ।
तत स्तनयित्नुरजायत ।
तस्माद्यदा विद्योततेऽथ स्तनयति ।
स्तनयित्नुर्भूत्वातप्यत ।
ततो वृष्टिरजायत ।
तस्माद्यदा स्तनयत्यथ वर्षति ।
तदिदमापो महत्सलिलमासीत् ।
यद्ध वा इदमाहुरापो वा इदमग्रे महत्सलिलमासीदित्येतास्ता आपः ।
आपो भूत्वातप्यत ।
ततोऽन्नमजायत ।
अन्नं भूत्वातप्यत ।
ततोऽन्नमयः पुरुषोऽजायत प्रजानां जनयिता ।
स आस्वप्स्वन्तर्भूर्भुव स्वरिति व्याहरत् ।
त एवेमे लोका अभवन् ।
तद्दिशोऽन्वसृज्यन्त ।
अथ यत्करज्जनद्वृधदिति व्याहरत्त एवैते लोका अभवन् ।
तदृतवोऽन्वसृज्यन्त ।
सोऽब्रवीदिमा वै मे सदभूदिति ।
त एव मासा अभवन् ।
तदृतवोऽन्वसृज्यन्त ।
सोऽब्रवीदिमा वै मे सदभूदिति ।
त एव मासा अभवन् ।
ऋद्धिष्वा इति तेऽर्धमासाः ।
अहमरात्समोषमिति यदहमिति तान्यहान्यभवन् ।
यदरात्समिति ता रात्रयो । यदोषमिति ता उषसः ।
स यां जायमानो वाचमवदत्स एव त्रयो देवोऽभवत् ।
यद्धैवैषाग्रे किं च देवता जायमानोवाद तदु ह ब्रह्मैव बभूव ।
स षक्षत यमिमं त्रयं वेदमसृक्षि हन्तास्मात्सृजा इति ३८०