स वरुणमेवैतस्मिल्ँ लोके प्रतिनिधाय त्रयस्त्रिंशेनोर्ध्व उदक्रामत् ।
सोऽगच्छद्यत्रैष मृत्युः ।
तत्तन्मृत्युरभवत् ।
तदङ्गानि मुखमकुरुत ।
तं मृत्युं सर्वतोमुखं भूतमन्वागत्योपेक्षमाणा एवासत । अनभिधृष्णुवतीः ।
नैनं तत्रादन् ।
स षक्षत पाप्मा वा अस्मि यो मृत्युरस्मि ।
हन्तोर्ध्व एवोत्क्रामाणीति ।
स मृत्युमेवैतस्मिल्ँ लोके प्रतिनिधाय चतुर्विंशनोर्ध्व उदक्रामत् ।
सोऽगच्छद्यत्रैष रोचनो नाम लोकः ।
तत्तदशनयाभवत् ।
तमशनायां भूतं बिभ्यतीर्नान्वायन् ।
अन्वीक्षमाणा एवातिष्ठन्नसौ रोचतेऽसौ रोचतेति ।
सास्य रोचनता ।
स षक्षत पाप्मा वा अस्मि योऽशनया अस्मि ।
हन्तोर्ध्व एवोत्क्रामाणीति ।
स मृत्युमेवैतस्मिल्ँ लोके प्रतिनिधाय चतुर्विशनोर्ध्व उदक्रामत् ।
सोऽगच्छद्यत्रैष रोचनो नाम लोकः ।
तत्तदशनयाभवत् ।
तमशनायां भूतं बिभ्यतीर्नान्वायन् ।
अन्वीक्षमाणा एवातिष्ठन्नसौ रोचतेऽसौ रोचतेति ।
सास्य रोचनता ।
स षक्षत पाप्मा वा अस्मि योऽशनया अस्मि ।
हन्तोर्ध्व एवोत्क्रामाणीति ।
सोऽहोरात्रे प्रतिन्यदधात् ।
ते एव पिपासा चाशनाया चाभवताम् ।
अहर्ह पिपासा । रात्रिरशनाया ।
तद्यथा द्वारफलके प्रतिनिहिते स्यातामेवमेवैतेऽहोरात्रे प्रतिनिहिते अनत्ययनाय ।
ते उ ह त्वेवंविदमेवात्यर्जयतः ३४४