३४०

स मनोमयः प्राणमयश्चक्षुर्मय श्रोत्रमयो वाङ्मय ऋङ्मयो यजुर्मयस्साममयो ब्रह्ममयो हिरण्मयोऽमृतः प्रजापतिस्समभवत् ।

एषैव विद्युत् ।

स एष एव त्रयो वेदः ।

योर्ध्वा विद्युत्तानि सामानि । या तिरश्ची ता ऋचो । यदभीक्ष्णं मन्मलायति तद्यजुः ।

स य एतदेवं वेदैषैव देवता भवति ।

एषा ह वै देवता संस्तुतो यज्ञो भवति ।

तद्यत्पृच्छेयुः का देवता संस्तुतो यज्ञो भवतीति । विद्युदिति ह ब्रूयात् ।

एषा ह वै देवता संस्तुतो यज्ञो भवति ।

तस्माद्यदि व्यूढछन्दसा द्वादशाहेन यजेत ।

यजेतो एव समूढछन्दसा ।

उभाभ्यां ह त्वावेष्टं भवत्येवंविदः ३४०