देवा वै पृष्ठ्ये षडहे श्रियमैच्छन् ।
तामग्न इति प्रथमेऽहन्नान्वविन्दन् ।
तामग्निमिति द्वितीयऽहन्नान्वविन्दन् ।
तामग्निनेति तृतीयेऽहन्नान्वविन्दन् ।
तामग्निरित्येव चतुर्थेऽहन्नन्वविन्दन् ।
भूतमेवोत्तरेऽन्ववदताम् ।
यस्मादेषा समाना सत्यग्निविभक्तिरथ नाना भवति य एते प्रविष्टाः ।
अथो हाम्यैतैरेवाग्निभिस्सर्व ऋतवोऽग्निमन्तो भवन्ति ।
प्रसृतेळा प्रथमस्याह्न । ऊर्ध्वेळं द्वितीयं । परिष्टुब्धेळं तृतीयम् । इळाभिरिळं चतुर्थम् । अध्यर्धेळं पञ्चमम् । इहकारेणाभ्यस्तेळं षष्ठं च ।
अथो ह वास्यस्को नैमिशीयान्पप्रच्छ किं प्रथमेनाह्ना कुरुध्वमिति ।
प्रैमेति ।
किं द्वितीयेनेति ।
अवसं कुर्महा इति ।
किं तृतीयेनेति ।
परि वा प्लवामहा इति ।
किं चतुर्थेनेति ।
सता सदप्यदध्मेति ।
किं पञ्चमेनेति ।
पशून्विच्छिन्दन्त षमेति ।
किं षष्ठेनति ।
आगच्छामेति होचुः ।
अथो तेभ्य षेतत्पशुभ्यो भिषज्यामेति ।
तद्यत्प्रैमेति प्रव वा एतत्सार्यते यत्प्रैति ।
प्रसृतेळा प्रथमस्याह्नः ३३२