स प्रतिगरससुद्गीथस्तदाश्रावणम् ।
तस्मादोमिति प्रणौत्योमिति प्रत्यागृणात्योमित्युद्गायत्योमित्याश्रावयति ।
एतद्वा अस्ति यदभवत् ।
तामब्रवीदेतर्हि वै तस्मा अलं स्वो यत्प्रजनयेवेहि प्रजनयावेति ।
तामब्रवीत्सम्भव छन्दांसि त्वं प्रजनयतात्स्तोमानहं प्रजनयिष्यामीति ।
सोऽयं त्रिवृत्स्तोमश्चतुर्विंशतिं स्तोत्र्याः प्रायनयत् ।
अथ गायत्री चतुर्विंशतिमक्षराणि प्रजायत ।
तामब्रवीद्विभव यावत्यसि तावत्येधीति ।
साष्टाक्षरा सत्यक्षराणि त्र्यक्षराण्यकुरुत ।
तानि चतुर्विंशतिरभवन् ।
चतुर्विंशतिः पूर्वाणि ।
तदस्या अष्टाचत्वारिंशत्प्रजातमासीत् ।
सेयं गायत्री चत्वार्यक्षराण्यादत्त ।
सोष्णिगभवत् ।
षडितर आदत्त ३२२