स्वादिष्ट्या मदिष्ट्ये
त्यार्भवस्य पवमानस्य मद्वतीर्गायत्र्यो भवन्ति ।
रसो वै मदः ।
धीतमिवैतद्यत्तृतीयसवनम् ।
तद्यदेता मद्वतीर्भवन्ति । रसमेवास्मिन्नेतद्दधत्य् । षवैनदेतेन प्याययन्ति ।
तासु गायत्रमुक्तब्राह्मणम् ।
अथ संहितं द्व्यक्षरणिदह्नं प्रतिष्ठायै ।
द्विपाद्वै यजमानः प्रतिष्ठित्यै ।
तस्यर्चा निधनमुपयन्ति ।
पशवो वा ऋक् । पशवो रथन्तरं । पशूनामेवावरुद्ध्यै ।
अथोष्णिक्ककुभौ ।
उष्णिक्ककुब्भ्यां वा इन्द्रो वृत्राय वज्रं प्राहरत् ।
तमस्तृणुत ।
वज्रो वा उष्णिक्ककुभौ ।
वज्रेणैव तद्द्विषन्तं पाप्मानं भ्रातृव्यं स्तृणुते य एवं वेद ।
ककुभि पराक्रमतोष्णिहा प्राहरत् ।
तस्मात्ककुभो मध्यमान्यक्षराणि भूयिष्ठानि ।
पराक्रममाणो ह्यस्या अक्षराणि समौहत् ।
तस्मादुष्णिह उत्तमान्यक्षराणि भूयिष्ठानि ।
परो गुरुरिव हि वज्र । आरम्भणतोऽणीयान् ।
सा ककुबब्रवीद्विलिष्ठा वा अहमस्मीति ।
पराक्रममाणो वै मेऽक्षराणि समौहीत् । पूर्वां मां प्रयुञ्जतामिति ।
अथोष्णिगब्रवीदथ वै मां पूर्वामाचक्षन्ता इति ।
तथेति ।
तस्मिन्समपादयेताम् ।
पूर्वप्रयोगमन्यावृणीत । पूर्वा ख्यानमस्या ।
तस्मादेने एवं प्रयुञ्जते ।
तस्मादुष्णिक्ककुभावित्याख्यायते २९५