अथैताः
प्रत्नं पीयूषं पूर्व्यं यदुक्थ्यम्
इति सतोबृहतयो भवन्ति ।
अनुष्टुब्वै यज्ञमसृजत ।
वाग्वा अनुष्टुप् ।
प्रजापतिर्वा अनुष्टुप्छन्दः ।
सोऽब्रवीद्यज्ञं सृष्ठ्वा छन्दांसि पुत्रका वैन्दध्वमिति ।
तान्येतयाविन्दन्त ।
यत्त्रिपदा तेन गायत्री ।
उष्णिक्ककुभौ तयाविन्दन्त ।
यद्द्वादशाक्षराणिपदानि तेन जगती ।
तेनो एवानुष्टुप् ।
अक्षरैरेव बृहत्यविन्दत ।
यद्दोहवती तेन पङ्क्तिः ।
आयतनेन त्रिष्टुप् ।
यद्विश्ववती तेन सर्वाणि छन्दांसि ।
तान्येतयैवाविन्दन्त ।
विन्दते य एवं वेद ।
सर्वेषां वा एषा छन्दसां रसस्तेजस्सम्भृतम् ।
सर्वेषामेवैतच्छन्दसां रसे तेजस्यपराजिते छन्दसि यज्ञस्यान्ततः प्रतितिष्ठन्ति २८५