अथैतान्याप्रीऋ आज्यानि भवन्ति ।
प्रजापतिः प्रजा असृजत ।
स सृष्ट्वा रिरिचानोऽमन्यत ।
स एतान्याप्रीराज्यान्यपश्यत् ।
तैरात्मानमाप्रीणीतायातयामतायै ।
रिच्यन्ते इव वा एते य एतदहरागच्छन्ति ।
तद्यदेतान्याप्रीऋ आज्यानि भवन्त्यात्मानमेवैतैर्यजमाना आप्रीणतेऽयातयामतायै ।
अनिरुक्तान्याज्यानि भवन्ति छन्दसामनभिधर्षाय । पापवस्यसस्य विवक्त्यै ।
वि पाप्मना विच्यते य एवं वेद ।
षन्द्रा ग्नमुत्तमं पदं निराह छन्दसामप्रणाशाय यज्ञस्यानुख्यात्यै ।
अनुख्यातनैव यज्ञेन स्वर्गं लोकं समश्नुवते ।
तदाहुर्यत्सर्वेभ्योऽहोभ्यो दशममहस्सम्मरन्त्य् । अथ केनैषां छन्दोमा अनन्तरिता भवन्तीति ।
स्तोमेनेति ब्रूयात् ।
चतुर्विंशं सप्तममहर्भवति । चतुर्विंशं दशममहः ।
अथो यदेवैतत्समय्येकमाज्यं भवति तेनो एवेति २८२