स एष इषुस्त्रिकाण्डः ।
तस्मात्पृषतोऽस्वादुतमः ।
तस्मादु शोचतीव ।
तस्य विद्धस्य रेतः परापतत् ।
तद्धिमवति प्रत्यतिष्ठत् ।
तन्मानुषमभवत् ।
तद्देवाश्चर्षयश्चोपसमेत्याब्रुवन्मेदं दुषद इति ।
यदब्रुवन्मेदं दुषदिति । तन्मादुषस्य मादुषत्वम् ।
मादुषं ह वै नामैतत् ।
तन्मानुषमित्याख्यायते ।
तदग्निना पर्यैन्धत ।
मरुतोऽधमन् ।
श्रायन्तीयेनैनदश्रीणन् ।
तच्छ्रायन्तीयस्य श्रायन्तीयत्वम् ।
ततः पशवोऽसृज्यन्त ।
ये प्रथमेऽसृज्यन्त ते रोहिताः ।
येऽभितप्यमानादसृज्यन्त तेऽरुणाः ।
येऽभितप्तादसृज्यन्त ते बभ्रवः ।
ये दह्यमानादसृज्यन्त ते श्वेताश्च कृष्णाश्च ।
तस्माद्वयमेवाग्निर्दहति श्वेतं चैव कृष्णं च ।
विष्फुलिङ्गाभ्य एवाजाश्चैणेयाञ्चासृज्यन्त । अङ्गारेभ्योऽङ्गिरसः २६३