तं हानुसन्द्रुत्योवाच जयाम सङ्ग्राममिति ।
स हाजिनमुपाध्नान उवाच
यथेमाममूर्व्युपापतति भास्विति ।
एवं क्षत्रस्य मानुषाद्व्युपापतत शत्रवः
इति हैवैणेयलोमानि शातयाञ्चक्रे ।
ते हैवाश्वरथा उत्तस्थुः ।
तैर्वै स तं सङ्ग्राममजयत् ।
सोऽब्रवीद्भरद्वाजो न वै दारेऽसृन्मेति ।
यदब्रवीद्भरद्वाजो न वै दारेऽसृन्मेति । तदेवादारसृतोऽदारसृत्त्वम् ।
तदेतद्विजितिर्भ्रातृव्यहा साम ।
विजनते हन्ति द्विषन्तं भ्रातृव्यं । दारे द्विषन्तं भ्रातृव्यं सारयति । नात्मना दारे धावयति ।
अथो सेन्द्र मेव ।
इन्द्रो वा एषामेतेन हवमगच्छद् । आस्येन्द्रो हवं गच्छति य एवं वेद ।
तद्वष्टाक्षरणिधनं भवत्यष्टाक्षरा वै गायत्री ।
अष्टाशफाः पशवः ।
पशवश्छन्दोमाः पशूनामेवावरुद्ध्यै ।
यदु भरद्वाजोऽपश्यत्तस्माद्भरद्वाजस्यादारसृदित्याख्यायते २४८