तं ह जिग्युः ।
तं ह द्वितीयं तं ह तृतीयमेत्योवाच याजयानि त्वेति ।
स होवाच न वा इह यजन्ते ।
यो वा इह यजेत । जिनीयुर्वै तम् ।
द्विर्वै स्योऽयजत ।
तं त्यमजिनन्नेवेति ।
तमु ह लोकं लोकमेव दर्शयाञ्चकारेममिममु वाव लोकमिष्ट्वा जयतीति ।
स हेक्षाञ्चक्रेऽपि त्यं जिनन्तु । हन्त यजा एवेति ।
तं होवाच याजय मेति ।
तं ह याजयाञ्चकार ।
स्वयमेव सदोहविर्धाने उत्तस्थतुर् । उलूखले सोममभिषुषाव ।
स होवाच कमयज इति ।
उपगुमिति ।
तमु ह स्वयमेवोपोत्थाय संवृश्च्योदके प्रचकार २०१