यस्ते मदो वरेण्य
इत्यार्भवस्य पवमानस्य मद्वतीर्गायत्र्यो भवन्ति ।
रसो अवि मदः ।
धीतमिवैतद्यत्तृतीयसवनम् ।
तद्यदेता मद्वतीर्भवन्ति रसमेवास्मिन्नेतद्दधत्य् । षवैनदेतेन प्याययन्ति ।
तेना पवस्वान्धसे
त्यन्धस्वतीर्भवन्त्यन्नं वा अन्धोऽन्नाद्यस्यैवावरुद्ध्यै ।
जघ्निर्वृत्रममित्रियम्
इति बार्हतं रूपम् ।
यदूर्ध्वं मध्यन्दिनात्तदेतस्याह्नो बार्हतम् ।
सम्मिश्लो अरुषो भुवस्सूपस्थाभिर्न धेनुभिर्
इति ।
विभ्रष्टमिवैतदहर्यत्सप्तमम् ।
तद्यत्सूपस्थाभिरित्यह्न एवोपस्थित्यै ।
तासु गायत्रमुक्तब्राह्मणम् ।
अथाग्नेरर्क आग्नेयं सामाग्नेयेऽहन्क्रियते ।
आग्नेयमेतदहर्यद्गायत्रम् ।
अग्निर्हि गायत्री ।
तद्यदत्राग्नेरर्कः क्रियतेऽहरेव तद्रू पेण समृद्धयन्ति ।
तेनैभ्यस्समृद्धेन स्वायां जनतायामर्धुकं भवति ।
अथो अन्नं वा अर्कोऽन्नाद्यस्यैवावरुद्ध्यै ।
अथ सोमसाम ।
प्रजननं वै सोमः ।
प्रजननमेतदहः ।
प्रजनन एवैतत्प्रजननं क्रियते ।
अथो क्षत्रं वै सोमः ।
क्षत्रिय उ वा अन्नाद्यस्य प्रदाता ।
स योऽन्नाद्यस्य प्रदाता स नोऽन्नाद्यं प्रयच्छादिति ।
तदध्यर्धेळं भवति पशवो वा इळा ।
पशवश्छन्दोमा -अभिपूर्वाणामेव पशूनामवरुद्ध्यै १९१