अथेषोवृधीयं बहिर्निधनं बार्हतम् ।
तस्माद्बार्हतेऽहन्क्रियते ।
इषो वै षष्ठमहर् । वृधे सप्तमम् ।
षष्ठाद्वा अह्नस्सप्तममहः प्रजातम् ।
तद्यदिष इति षष्ठादेवैतदह्नस्सप्तममहः प्रजनयन्ति ।
यद्वृध इत्यवर्धन्त इव ह्येतर्हि ।
प्रजापतिः प्रजा असृजत ।
ता अनशना-अनशना असृजत ।
ता अशनायन्तीरन्यान्यामादन् ।
स प्रजापतिरैक्षत कथं नु म इमाः प्रजा नाशनायेयुरिति ।
स एतत्सामापश्यत् ।
तेनैना इषोवृधीय इत्येवाभ्यमृशत् ।
ता अस्येषा समक्ता अवर्धन्त ।
तदेवेषोवृधीयस्येषोवृधीयत्वम् ।
इषा हैवास्य समक्ता भार्या वर्धन्ते य एवं वेद ।
तच्चतुरक्षरणिधनं भवति चतुष्पदा वै पशवः ।
पशव एतदहः पशूनामेवावरुद्धयि १४८