सना च सोम जेषि चे
त्युत्तरं दशर्चं भवति ।
अभिपूर्वमेवैतेन विराजमन्नाद्यमवरुन्धते ।
ऋषयो वा एतदृद्धिकामा उपोत्थानं प्रियं वाचोऽपश्यन्न्
अथा नो वस्यसस्कृढ्य् । अथा नो वस्यसस्कृधी
ति ।
तेनास्तुवत ।
ततो वै ते सर्व एवार्ध्नुवन् ।
सर्वे हैवर्ध्नुवन्ति य एवं विद्वांस एतेन दशर्चेन स्तुवते ।
उपरिष्टादुदर्कं दधति ।
रसो वै षष्ठमहः ।
तस्यानतिनेदाय ।
स यथापां वार्त्रं दिह्यात्तादृगेवैतदुपरिष्टादुदर्कं दधति रसस्यानतिनेदाय ।
चतुरृचो भवति चतुष्पदां पशूनामेवावरुद्ध्यै ।
परोक्षं द्विपदा भवन्ति । द्विपदां पशूनामवरुद्ध्यै ।
वि नाराशंसमिव भवत्युभयोः कामयोरुपाप्त्यै ।
यच्च दिव्यो यच्च मानुष उपरिष्टादुदर्कं दधति ।
रसो वै षष्ठमहः ।
तस्यानतिनेदाय १३८