कृष्णसर्प उ हैवैनां प्रत्युत्तस्थौ ।
सा ह तदेव निर्विद्योपविवेश ।
अथ हाश्विनौ दर्विहोमिणौ भिषज्यन्ताविदं चेरतुरनपिसोमौ ।
तौ हैनामेत्योचतुः कुमारि । स्थविरो वा अयमसर्वो नालं पतित्वनायावयोर्जायैधीति ।
नेति होवाच ।
यस्मा एव मा पितादात् । तस्य जाया भविष्यामीति ।
तद्धायमाजुघोष ।
अथ हेमौ प्रेयतुः ।
स होवाच कुमारि । को न्वेष घोषोऽभूदिति ।
पुरुषौ मेमावुपागातां यत्कल्याणतमं रूपाणां तेन रूपेणेति ।
तौ त्वा किमवोचतामिति ।
कुमारि । स्थविरो वा अयमसर्वो नालं पतित्वनायावयोर्जायैधीति ।
सा त्वं किमवोच इति ।
नेत्यहमवोचं । यस्मा एव मा पितादात्तस्य जाया भविष्यामीति १२३