११६

तदाहुर्विहृता अग्नयो भवन्ति । वास्तु परिशिष्यते । गर्भा अनुशोषुका स्युर् । यच्चात्वाले निनयेत् ।

आस्तावे निनयेदिति ।

एष ह वा उद्गातुश्च यजमानस्य च धिष्ण्यो यदास्तावः ।

आयतनमास्तावः ।

आयतन एव तदेतान्कामान्प्रतिष्ठापयन्ति ।

तासामत्र यावत्कामं निनीय । अथान्तःपरिधि निनयेत् ।

तथा हैषां ता हुताश्चाहुताश्च भवन्ति ।

यथा ह वा इदं विदावन्प्राणावनिरुक्तावेवमेतौ धिष्ण्यौ सन्तावनवगतौ ।

प्राणौ वा इमौ सन्तावनपतृण्णौ धिष्ण्यावेतौ सन्तौ न विह्रियेते ११६