तासु शैशवम् ।
शान्तिर्वै शैशवम् ।
यच्छैशवेन स्तुवन्ति शान्त्या एव ।
अथो आहुश्शैशवेन वा इन्द्रो वृत्रं पर्याकारं शक्वरीभिरहन्निति ।
तद्वेव शैशवस्य शैशवत्वम् ।
तदु भातृव्यहा ।
हन्ति द्विषन्तं भ्रातृव्यं य एवं वेद ।
प्रजापतेरक्ष्यश्वयत् ।
तत्परापतत् ।
सोऽकामयत पुनर्मा चक्षुराविशेदिति ।
स एतत्सामापश्यत् ।
तेनास्तुत ।
ततो वै तं चक्षुः पुनराविशत् ।
अश्व एव शुचिर्भूत्वैनं पुनराविशत् ।
तज्ज्योतिर्वै चक्षुः ।
ज्योतिर्वावैनं तदाविशत् ।
तदेतच्चक्षुष्यं साम ।
अजरसं हास्य चक्षुर्न व्येति य एवं वेद १०२