अथ शाकलं ।
शकलो वै पञ्चममहरपश्यद्रा थन्तरं रूपेण ।
तस्माद्रा थन्तरेऽहन्क्रियते ।
शकलो वा अन्नाद्यकामस्तपोऽतप्यत ।
स एतत्सामापश्यत् ।
तेनास्तुत ।
ततो वै सोऽन्नाद्यमवारुन्द्ध ।
तस्य वा एतस्यास्ति यथैव प्रयच्छेदेवम् ।
तद्धिङ्कारवद्भवति ।
अन्नं वै हिङ्कारः ।
हुमिति वा अन्नाद्यं प्रदीयते ।
तदेतदन्नाद्यस्यावरुद्धिस्साम ।
अवान्नाद्यं रुन्धेऽन्नाद श्रेष्ठ स्वानां भवति य एवं वेद ।
अथो यदेवैतस्मिन्नहन्प्राचीनं शक्वरीभ्यः क्रूरमिव क्रियते । तदेवैतेन हिङ्कारेण शमयन्ति ।
यदु शकलोऽपश्यत्तस्माच्तस्माच्छाकलमित्याख्यायते ९३