ते होचुर्ब्राह्मणो वा अयमृषिरासीत् ।
दुरपहरा वा अस्य जाया ।
हन्तास्मा इमां ददामेति ।
तां हास्मै ददुः सा होवाच पुनर्वाव त्वा परोक्षेणेव जिघांसन्ति ।
तस्यां मोपवेशीरिति ।
ते ह प्रययुः ।
तस्मै ह हिरण्मयीमासन्दीं प्रच्छाये निदधुः ।
तस्यां ह प्रमत्त उपविवेश ।
सा हैनं तदेव शिला भूत्वाभिसंविवेष्टे ।
तदु ह त्रिशोकनभाकौ पुत्रावनुबुबुधातेऽसुरा ह वै नौ पितरं शिलयाभिसमविवेष्टन्निति ।
तावागच्छताम् ।
सोऽकामयत नभाकः प्रैनान्दम्भयेयमिति ।
स एतन्नाभाकं सूक्तमपश्यत् ।
तेनैनामभ्यष्टौत् ।
तस्यां पर्यदृश्यत ७३