अथ काण्वम् ।
कण्वो वै नार्षदो ज्योगप्रतिष्ठितश्चरन्सोऽकामयत प्रतितिष्ठेयमिति ।
स एतत्सामापश्यत् ।
तस्य निधनं नापश्यत् ।
स वृषदंशस्य क्ष्वत उपाशृणोत् ।
तदपश्यत् ।
तेनास्तुत ।
ततो वै स प्रत्यतिष्ठत् ।
तदेतत्प्रतिष्ठासाम ।
प्रतितिष्ठति य एवं वेद ।
यदु कण्वो नार्षदोऽपश्यत्तस्मात्काण्वमित्याख्यायते ।
तिस्रो वाच ईरयति प्र वह्निर्
इति त्रिष्टुभोऽन्त्या भवन्ति तृतीयस्याह्नो रूपम् ।
तेनैव त्रीण्यहानि कल्पन्ते ।
ऋतस्य धीतिं ब्रह्मणो मनीषाम् ।
गावो यन्ति गोपतिं पृच्छमानास्सोमं यन्ति मतयो वावशानाः
इति गोमतीः पशुमतीर्भवन्ति । पशूनामेवावरुद्ध्यै ।
पशवो ह्येतदहः ४६