मित्रं हुवे पूतदक्षम्
इति मैत्रावरुणं भवति ।
हु इति वै रथन्तरस्य रूपम् ।
राथन्तरमेतदहः ।
वरुणं च रिशादसं धियं घृताचीं साधन्ते
ति सिद्ध्या एव ।
ऋतेन मित्रावरुणावृतावृधावृतस्पृशा ।
ऋतुं बृहन्तमाशाथे
कवी नो मित्रावरुणा
इति वीति भवत्यन्तरिक्षस्य रूपम् ।
अन्तरिक्षभाजनमेतदहः ।
इन्द्रे ण सं हि दृक्षस
इत्यैन्द्रं भवति ।
समिति च वै वीति वान्तरिक्षस्य रूपम् ।
इतो वा अयं ऊर्ध्वो लोकोऽर्वाङसावमुतः ।
समिति च वा इदमन्तरिक्षं वीति च ।
सञ्जग्मानो अबिभ्युषा मन्दू समानवर्चसे
ति ।
समानं वै तृतीयं च चतुर्थं चाहनी ।
तृतीयाद्वा अह्नश्चतुर्थमहः प्रजातम् ।
आदह स्वधामनु पुनर्गर्भत्वमेरिर
इति पुनरेवैतत्तृतीयेऽहनि गर्भत्वमेरयन्ते चतुर्थस्याह्नः प्रजात्यै ।
दधाना नाम यज्ञियं
वीळु चिदारुजत्नुभिर्गुहा चिदिन्द्र वह्निभिः ।
अविन्द उस्रिया अनु
इति गोमतीः पशुमतीर्भवन्ति पशूनामेवावरुद्ध्यै ।
पशवो ह्येतदहः ३८