अग्निनाग्निस्समिध्यत
इत्याग्नेयमाज्यं भवति राथन्तरम् ।
राथन्तरं ह्येतदहः ।
यद्ध वा अग्निनाग्निस्समिद्ध्यते वैरूपं ह वै तद्र थन्तरेण समिध्यते । रथन्तरं वा वैरूपेण ।
तदु होवाच सौजातस्याराटेर्जाया यन्नु मे द्वे एव पृष्ठे पतिरमन्यताथ क्रोऽयं गर्दभ औदुम्बरिमभिनानद्यत इति ।
तदाहू राथन्तरमेतदहः ।
तस्मादेतस्याह्नो रथन्तरं पृष्ठं कार्यमिति ।
तदु वा आहुः को वा न्वै स्यात्पुरुषः को वा यदस्यात्मेव स्यान्न पशवः ।
आत्मा वै बृहद्र थन्तरे ।
पशवः पृष्ठानि ।
तस्मादेतस्याह्नो वैरूपमेव पृष्थं कार्यमिति ।
तद्यदेतस्याह्नो वैरूपं पृष्ठं भवत्यात्मन्नेवैतद्पशून्प्रतिष्ठापयन्ति ३७