ता एता भवन्ति गायत्र्यस्त्रिष्टुब्वर्णा अह्नो रूपेण समृद्धाः ।
यत्र वा अहारूपेण समर्धयन्ति सं तत्रर्ध्यन्ते ।
समस्मा ऋध्यते य एवं वेद ।
पवस्वेन्दो वृषा सुत
इति वृषण्वाननुरूपो भवति ।
बार्हतं वा एतदहः ।
त्रैष्टुभं क्षत्रस्य रूपम् ।
तदाहुरह्न एव रूपं स्तोत्रियेणारभन्तेऽनुरूपेण साम्न इति ।
स्तोत्रियानुरूपौ भवतः ।
प्राणो वै स्तोत्रियेणारभन्तेऽनुरूपेण साम्न इति ।
स्तोत्रियानुरूपौ भवतः ।
प्राणो वै स्तोत्रियोऽपानोऽनुरूपः ।
प्राणापानाभ्यामेवैतत्समृध्य प्रयन्ति ।
मनो वै स्तोत्रियो । वागनुरूपः ।
साम वै स्तोत्रिय । ऋगनुरूपः ।
अहर्वै स्तोत्रियो । रात्रिरनुरूपः ।
इयं वै स्तोत्रियोऽसावनुरूपः ।
आत्मा वै स्तोत्रियः । प्रजानुरूपः ।
स्तोत्रियानुरूपयोर्ह खलु वै तद्रू पं । यस्माद्यां श्रेष्ठीं वाचं वदति तां पापीयाननुवदति । यस्मात्कर्ता च करणश्च सदृशौ सन्तौ विज्ञायेते ।
स्तोत्रियानुरूपयोर्वै हेतोः प्रजा अनुरूपा आजायन्त ।
आ हास्यानुरूपः प्रजायां जायते य एवं वेद ।
तदाहुर्वीव वा एते प्राणैरृध्यन्ते ये प्रायणीयस्याह्नस्तृचान्विच्छिन्दन्तीति ।
सन्ततानत्र पञ्च तृचानुपयन्ति प्राणानामेव सन्तत्या अव्यवच्छेदाय ।
सर्वे वृषण्वन्तो भवन्ति ।
बार्हतं वा एतदहः ।
त्रैष्टुभं क्षत्रस्य रूपम् ।
पर्यासो भवति प्रजानां धृत्यै पशूनामुपस्थित्यै ।
पञ्चदशस्तोमो भवति -इन्द्रि यं वै वीर्यं पञ्चदश -इन्द्रि य एवैतद्वीर्ये प्रतितिष्ठन्तो यन्ति २१