पवस्व वाचो अग्रिय
इति प्रतिपदो भवन्ति ।
बृअद्र थन्तरे यदसृज्येतां बृहत्पूर्वमसृज्यताथ रथन्तरम् ।
तस्मात्
पवस्व वाचोऽग्रिय
इति प्रतिपदो भवन्ति ।
प्रेत्यन्य ऋषयोऽपश्यन्नेत्यन्ये ।
अथैतन्न प्रेति नेति स्थितम् ।
वाचो बार्हतं रूपं भरद्वाज ऋषिरपश्यत् ।
भरद्वाजस्य वा एतदार्षेयं यद्बृहत् ।
मनो बृहत् ।
प्रजापतिर्बृहत् ।
प्रजापतितामेवाश्नुते य एवं वेद ।
सोम चित्राभिरूतिभिरभि विश्वानि काव्या
त्वं समुद्रि या अप इति ।
त्वमिति भवति बृहतो रूपम् ।
बार्हतमेतदहः ।
अग्रियो वाच ईरयन्न्
इत्यग्रं वा एतदहः ।
द्वितीयं वा एतदहस्सत्तदग्रमित्याख्यायते ।
तुभ्येमा भुवना कवे महिम्ने सोम तस्थिर इति ।
प्रद्रुतमिव वा इत एतदहर्यद्बार्हतम् ।
अदो हि बृहत् ।
तद्यन्
महिम्ने सोम तस्थिर
इत्यह्न एवोपस्थित्यै ।
तुभ्यं धावन्ति धेनव
इति समष्ट्यै २०