क्त्च्गायत्रमुखो वै प्रथमस्त्र्यहः ।
तस्मादयमग्निरूर्ध्वो दीदाय ।
गायत्रमध्यो द्वितीयस्त्रियहः ।
तस्मादयं वायुस्तिर्यङ्पवते ।
गायत्रोत्तमस्तृतीयस्त्रियहः ।
तस्मादसावर्वाङादित्यस्तपति ।
तेजसा वै गायत्री प्रथमं त्रियहं दाधार । पदैर्द्वितीयम् । अक्षरैस्तृतीयम् ।
त्रिवृद्वै गायत्री तेजः ।
त्रिवृत्प्रथममहः ।
तेन प्रथमस्त्रियहो धृतः ।
त्रिपदा गायत्री । त्रियहो मध्ये । तेन द्वीतीयस्त्रियहो धृतः ।
चतुर्विंशत्यक्षरा गायत्री । चतुर्विंशं सप्तममहस् । तेनैव तृतीयस्त्रियहो धृतः ।
कथं गायत्री द्वादशाहमित्याहुः ।
यथारान्नेमिस्सर्वतः पर्येत्य् । एवं गायत्री द्वादशाहं सरतः पर्येत्यविस्रंसाय ।
यथा रथनाभावरा धृता एवं गायत्र्यां द्वादशाहो धृतोऽसम्प्लवाय ।
मयूखो वा एष वा धरुणो यद्गायत्री ।
तस्यां द्वादशाहो धृतोऽसंव्याथाय ।
अनुष्टुब्वा एषा प्रतायते यद्द्वादशाहः ।
अष्टाभिर्वा अक्षरैरनुष्टुप्प्रथममहरुद्यच्छत्य् । एकादशभिर्द्वितीयं । द्वादशभिस्तृतीयम् ।
अक्षरमेव त्रियक्षरं परिशिष्यते ।
तदेवोत्तरं त्रियहमनुविदधाति ६