अथैतच्चतुर्विंशमारम्भणीयमहः ।
तस्यैषोर्ध्वा क्ळ्प्ति स्वर्ग्या ।
तस्य रथन्तरं माध्यन्दिने भवत्यथ दैर्घश्रवसमथ नौधसम् ।
इदं वै रथन्तरम् ।
अन्तरिक्षं दैर्घश्रवसम् ।
वामदेव्यं ह्येतन्निधानेन ।
अद एव नौधसम् ।
बृहतो ह्येषा तनूः ।
सैषोर्ध्वा क्ळ्प्ति स्वर्ग्या ।
तया हैतया कॢप्त्योर्ध्वा एव स्वर्गं लोकं रोहन्ति ।
तस्य हैतस्याह्न एके रथन्तरमेव पृष्ठं कुर्वन्ति यथाइवातिरात्रस्य रथन्तरं पृष्ठं भवति तथा ।
पराङ्वै स्वर्गो लोकः ।
पराञ्च एतं स्वर्गं लोकं रोहाम ।
प्रत्यवरोहस्स यद्र थन्तरं माध्यन्दिने स्यात् ।
अथैवमप्रत्यवरूढमिति वदन्तः ।
तदु ह तत्पराङिवानायुष्यमिव ।
स य एनांस्तथा चक्रुषोऽनुव्याहरेदिति वेति वा भविष्यन्तीति तथा हैव स्युः ।
तस्मादु बृहदेव पृष्ठं स्यान्माध्यन्दिने रथन्तरम् ।
तस्यैषा तनूः ।
सैषा समीची क्ळ्प्ति स्वर्ग्या ४३६