आसन्दीमुद्गाताधिर्हति प्लेङ्खं होता कूर्चावध्वर्यू कूर्चसद एवान्या होत्रा भवन्ति ।
तदाहुर्न दीक्षितेनासन्द्यधिरुह्येति ।
उत्थिता ह खलु वा एतदहरागच्छन्ति ।
यद्वावादो दशममहस्तदेवोक्थानि ।
इयमधिरुह्यैवेत्याहुः ।
अन्तरिक्षसाच्येव वै श्रीः ।
एवं श्रिया उपाप्तिरिति ।
वाणश्शततन्त्रीर्भवति ।
शतायुर्वै पुरुषश्शतेन्द्रि यश्शतवीर्यस्तस्यैवेन्द्रि यस्य वीर्यस्यावरुद्ध्यै ।
तदाहुर्न वाणश्शततन्त्रीः कार्यो यर्हि वा एतस्य ब्राह्मणास्सन्तानमविदुस्सकृत्सन्ततो वा एष तर्हि राज्ञां सभासु प्रविशामि ब्रुवन्नशयत्तं किं तत्कुर्युर्यस्तथैतर्हि न यथा पुरेति ।
तदु वा आहुः किं खलु तथैतर्हि यथा पुरा ।
एकसाम्ना ह स्म वै पुरा स्तुत्वा स्वर्गं लोकं गच्छन्त्यथो अवभृथादेवोदेत्य कार्यः ।
एवं वाणश्शततन्त्रीर्वाचः कृत्स्नत्वायेति ।
तस्यैष सन्तानो भूर्भुव स्वर्वदा वदा वदा वदी वदा वदोरुः पृथुस्सुगस्सुगन्तुः कर्मः करणः करः करिष्यन्नैन्द्रीं वाचं बृहतीं विश्वरूपां शतायुषं प्रवद देव वाणेति ।
अथेन्द्रे णतया चेषीकया वेतसशाखया चोल्लिखति मनो ज्योतिरिति वाक्सत्यमिति मनो भद्र इति ४१८