नेष्टैकविंशेन पुच्छेन भद्रे णोद्गायति ।
इदं तत्पुच्छं प्रतिदधाति ।
तस्मादिदं पुच्छं प्रतिहितम् ।
पराचीभिरपुनरभ्यावर्तम् ।
तस्मादिदं पुच्छं सं चाञ्चति प्र च सारयति ।
तिस्रस्सतीरेकविंशतिं करोति ।
तस्मादिदं पुच्छं मेद्यतोऽनुमेद्यति कृश्यतोऽनुकृश्यति ।
उद्गाता पञ्चविंशेनात्मना राजनेनोद्गायति ।
इमं तदात्मानं प्रतिदधाति ।
तस्मादयमामा प्रतिहितः ।
पराचीभिरपुनरभ्यावर्तम् ।
तस्मादिदमात्मानं सं चाञ्चति प्र च सारयति ।
तिस्रस्सतीः पञ्चविंशतिं करोति ।
तस्मादयमात्मा मेद्यतोऽनुमेद्यति कृश्यतोऽनुकृश्यति ।
त एकैकयास्तुतयोद्गातारमुपसमायन्ति ।
ताभिरुद्गातोद्गायति ।
आत्मन्नेव तदङ्गानि प्रतिदधाति ।
तस्मादात्मन्नङ्गानि प्रतिहितानि ।
आत्मन्ययोत्तमयोद्गायति ।
तस्मादिदमात्मन उदिव शेते ४०८