४०३

तत्पञ्चविंशं कृत्वा स्तुवते व्रतस्यानतिष्टवाय यद्वेव प्रति भूतेच्छन्दसांव्रतेन स्तुवते

हरी त इन्द्र श्मश्रूण्युतो ते हरिता हरी

तं त्वा स्तुवन्ति कारवः पुरुषासो वनर्गवः

ऋद्ध्यास इन्द्र भुङ्ङिति मघवन्निन्द्र भुङ्ङिति

इन्द्र स्त्रसरपूतः

स्फिगि पुनःपुनस्त्रसरस्फिगिर्

इति ।

एतावद्ध वा अस्यैकमङ्गमनास्तुतमास यत्स्फिगौ ।

अनास्तुतेनैनमङ्गेन स्तुवन्ति ।

ऋद्धिष्णवो ह भवन्त्येनेन तुष्टुवानाः ।

तदाहुः कस्मै कं परिमादः क्रियन्त इति ।

यथा ह वै शारद उक्षैवं महाव्रतम् ।

स यथा शारदमुक्षाणं वागराभिः परितत्यालभेरन्नेवमेवैतत्परिमाद्भिर्महाव्रतमालभन्ते व्रतस्याप्रक्षयाय ।

अथो यथैवेदं पुरुषस्य केशा नखा लोमानि श्मश्रूणि तथैवास्यैतदिति ।

अथो यदेवेदं पुरुषमभितो गौरश्वोऽजाविर्व्रीहयो यवास्तदेवास्यैतदिति ४०३