अनुष्टुभो वा अन्यानि सामान्यन्नम् ।
अनुष्टुबेवान्येषां साम्नामन्नम् ।
यानि वा अभिक्रान्त्यपक्रान्तानि सामानि तान्यनुष्टुबोऽन्नम् ।
तैरेनां ये व्यर्धयन्ति तानेषाविभूषिताप्रीताज्ञातास्वा वागभिवदत्यलूलुभन्नृतूनश्रद्दधाना अयक्षत नारात्सुरिति ।
अथ य एनां तैस्समर्धयन्ति तानेषा तृप्ता प्रीता ज्ञाता स्वा वागभिवदत्यचीक्ळ्पन्नृतूञ्श्रद्दधाना अयक्षतारात्सुरिति ।
अन्वहं सुज्ञानं भवति ।
स ह वा उद्गाता सत्रिणस्सत्राय दीक्षयेद्यदि य एनान्देवानां देवक्षेत्रमभ्यारोहयेत् ।
न ह वै देवानां देवक्षेत्रमभ्यारुह्य बिभेति नाशनायति न पिपासति नार्तिमार्च्छति ।
सुज्ञानं ह वाव देवानां देवक्षेत्रम् ।
तदाहुः प्रेव वा एतेऽस्माल्लोकाच्च्यवन्ते येऽन्वहं सुज्ञानमुपयन्तीति ।
तद्यद्रा थन्तरमह स्यात्तस्मिन्पौष्कलमुपेयुर्बार्हतेऽहन्सुज्ञानम् ।
तदु वा आहुस्सुज्ञाने वावैतानि सर्वाणि रूपाणीति ।
सुवर्विद इत्येवास्य लोकस्य रूपमे इत्यन्तरिक्षस्य सुवरित्यमुष्य ३८४