अथैते ज्योतिर्गौरायुरिति स्तोमा भवन्ति ।
एते ह वै शिवाश्शान्ताः पथ्या स्तोमा ये ज्योतिर्गौरायुरिति ।
ते ये शिवाश्शान्ताः पथ्या स्तोमास्तैर्न स्तुतमसदिति ।
त उ विराजं सम्पन्नाः ।
तदु विराजमन्नाद्यमारभन्ते ।
तामान्तं नावसृजेयुः ।
बृहद्र थन्तरे सामनी भवतः ।
सा ह्यृद्धिस्स पन्थाः ।
श्यैतनौधसे ब्रह्मसामनी भवतः ।
प्रस्पष्टमाजिमनु शूकरवामेति ।
तद्यत्तृतीयेऽहनि रथन्तरं सम्पद्येत तद्वैरूपमुपेयुः ।
इदं वै रथन्तरमदो बृहदिदमेवान्तरिक्षं वैरूपम् ।
एतयोरेव साम्नोरसमदे ।
अथ ह वै निष्करणीया इति ब्राह्मणाः पूर्विणस्सत्रं निषेदुः ।
तेषां ह स्म वासिष्ठस्सात्यहव्य आसद्य सोमं भक्षयित्वा प्रधावति ।
ते हाभिशस्तिं चक्रिरे कथं नु नो दीक्षितानामदीक्षितास्सोमं भक्षयेयुरिति ।
ते हैतदेकमहर्वैरूपमुपेयुः ।
स ह पुनरासद्य तूष्णीमेवेक्षमाणो निषसाद ।
तं होचुः कथं न सर्पसि कथं न भक्षयसीति ।
स होवाच सत्रिणो वा अभूत दीर्घसोमो वाव वः पुराभूदिति ।
तद्यत्तृतीयेऽहनि वैरूपमुपयन्ति सत्रिताया एव ।
ते वा एते सामनी अन्यदन्यदहरुपपद्यमाने इतः यत्र गवि रथन्तरं सम्पद्येत ३५७